ბუნდესტაგის საგარეო ურთიერთობათა კომიტეტის თავმჯდომარემ, მიხაილ როთიმ ბუნდესტაგში, საქართველოს შესახებ მსჯელობისას განცხადება ქართულ ენაზე გააკეთა და თქვა, რომ "საქართველოს მომავალი დემოკრატიული, თავისუფალი და ევროპულია".

მან 26 ოქტომბრის არჩევნების მნიშვნელობაზე ისაუბრა და  აღნიშნა, რომ ის ყველაზე მნიშვნელოვანი არჩევნებია, დამოუკიდებლობის ისტორიაში.

აქვე, როთმა განაცხადა, რომ “"ქართული ოცნება" "ქართულ კოშმარად" გადაიქცა. ისინი არამხოლოდ ჩვენი პერსპექტივიდან იღებენ არასწორ, მცდარ გადაწყვეტილებებს, უბრალოდ არ არის შესაბამისი ევროკავშირის ღირებულებებთან“.

26 ოქტომბრის არჩვენები უმნიშვნელოვანესი არჩევნებია საქართველოს დამოუკიდებლობის ისტორიაში. ქართველებმა უნდა გადაწყვიტონ, ევროპის გულში იქნებიან თუ იზოლაციაში მოექცევიან. ეს არის არჩევანი დემოკრატიასა და ავტორიტარიზმს შორის. ეს არის არჩევანი თავისუფლებასა და რუსიფიკაციას შორის. საქართველოს მოქალაქეები მკაფიოდ აცხადებენ, რომ უნდათ, რომ გაერთიანებული ევროპის გულში იყვნენ“, - განაცხადა როთმა. 

გერმანიის ბუნდესტაგში, ამ წუთებში საქართველოს შესახებ განხილვა მიმდინარეობს, სადაც საქართველოს შესახებ რეზოლუციას მიიღებენ.

გერმანიის პარლამენტის წევრები მოითხოვენ ბიძინა ივანიშვილის დასანქცირებას და რაც ყველაზე მნიშვნელოვანია, რეზოლუციის დოკუმენტში ვკითხულობთ, რომ ბუნდესტაგის წევრები დაჟინებით მოითხოვენ საქართველოს ევროინტეგრაციის პროცესის შეჩერებას.