პარლამენტის თავმჯდომარე, შალვა პაპუაშვილი ევროპელ და დასავლელ ლიდერებს "წინდაუხედავად" აცხადებს და ირწმუნება, რომ "ზოგიერთი უცხოელი აქტორი თავს უხერხულ მდგომარეობაში იგდებს, როდესაც ჩაღრმავების გარეშე სწრაფი დასკვნები გამოაქვს".

"ქართული ოცნების" წარმომადგენელი ამტკიცებს, რომ "მთელი ევროკავშირი წინდაუხედავად მოიქცა, როდესაც საქართველოს მიხეილ სააკაშვილის გამო დემარში გამოუცხადა".

თავს უხერხულ მდგომარეობაში იგდებენ ზოგიერთი უცხოელი აქტორები. აკეთებენ წინდაუხედავ, ასე ვთქვათ, გამოაქვთ სწრაფი დასკვნები რაღაც საკითხებთან დაკავშირებით ჩაღრმავების გარეშე. არათუ ცალკეული, არამედ მთელი ევროკავშირი მოიქცა წინდაუხედავად, როდესაც დემარში გამოუცხადეს საქართველოს მიხეილ სააკაშვილის გამო", - ამბობს შალვა პაპუაშვილი.

ცნობისთვის, საქართველოში ჩატარებულ საპარლამენტო არჩევნებზე გამოვლენილი დარღვევების შესახებ ევროპელი და დასავლელი პოლიტიკოსები მკაცრ გზავნილებს აჟღერებენ:

• ბაიდენი საქართველოზე: საერთაშორისო დამკვირვებლებს არ უთქვამთ, რომ (არჩევნები) თავისუფალი და სამართლიანი იყო
• ჰელსინკის კომისია: წარმოდგენილია ნათელი მტკიცებულება იმისა, რომ არჩევნების შედეგები არ წარმოადგენს ქართველი ხალხის ნებას
• ჰელსინკის კომისია სახ.დეპს მოუწოდებს, საქართველოს არჩევნებში რუსეთის ჩარევისა და გაყალბების ფაქტები გამოიძიოს
• ჯიმ რიში და ჯინ შაჰინი სახ.დეპს მოუწოდებენ, დაუყოვნებლივ გამოიძიონ საქართველოს არჩევნებში თაღლითობის და გარე ჩარევის შესახებ ცნობები
• ვუერთდებით საერთაშორისო მოწოდებებს, დეტალური და მიუკერძოებელი გამოძიების შესახებ - ნორდიკული ქვეყნები საქართველოს არჩევნებზე
• "ვითხოვთ საჩივრების მიუკერძოებელ გამოძიებას" - ევროკავშირის მინისტრები