ელჩთან შეხვედრაზე წარმოდგენილები არ ვიყავით, თუმცა ჰერჩინსკისთან მჭიდრო კომუნიკაციაში ვართ - ბუჩუკური
პარტია "საქართველოსთვის" წევრი ანა ბუჩუკური ამბობს, რომ ევროკავშირის ელჩთან შეხვედრაზე მათი გუნდი წარმოდგენილი არ იყო, თუმცა ირწმუნება, რომ პაველ ჰერჩინსკისთან მჭიდრო კომუნიკაციაში არიან. გახარიას გუნდის წევრი მიიჩნევს, რომ გაყალბებული არჩევნების წინააღმდეგ ბრძოლისთვის ყველა სამართლებრივი და პოლიტიკური ინსტრუმენტი უნდა იქნეს გამოყენებული.
რაც შეეხება ამ კონკრეტულ შეხვედრას, ნამდვილად ჩვენი გუნდი არ იყო წარმოდგენილი, თუმცა გეტყვით იმას, რომ ბატონ ელჩ ჰერჩინსკისთან ჩვენ ძალიან მჭიდრო კომუნიკაცია გვაქვს, მათ შორის, პერსონალურად გიორგი გახარიას და არჩევნების შემდეგ რამდენჯერმე იყო ასეთი კომუნიკაცია და უფრო მეტსაც გეტყვით, დღეს, მაგალითად, დახურულ ფორმატში შეხვედრა გვქონდა საქართველოშ აკრედიტირებულ დიპლომატიურ კორპუსთან. ნებისმიერი სამართლებრივი თუ პოლიტიკური ბერკეტი, როგორც ქვეყნის შიგნით, ასევე ქვეყნის გარეთ, მათ შორის ევროკავშირში, არის გამოსაყენებელი იმისთვის, რომ ყველაფერს დაერქვას ის სახელი, რაც უნდა დაერქვას, რაც იყო ობიექტურობა და ობიექტურად, ივანიშვილს ქვეყანაში ჰქონდა და აქვს მცდელობა, რომ ქართველ ხალხს არჩევნების ინსტიტუტი, უბრალოდ, წაგვართვას, - ამბობს ანა ბუჩუკური.
ოპოზიციის ლიდერები ევროკავშირის ელჩს შეხვდნენ. ორსაათიანი შეხვედრა ცოტა ხნის წინ დასრულდა. პაველ ჰერჩინსკისთან აუდიენცია "ძლიერი საქართველოს" ლიდერმა ბადრი ჯაფარიძემ, "კოალიცია ცვლილებისთვის" ლიდერმა ნიკა გვარამიამდა "ერთიანობა ნაციონალური მოძრაობის" ლიდერმა თინა ბოკუჩავამ გამართეს. შეხვედრის თემა არჩევნებს და ოპოზიციის ხედვას უკავშირდებოდა, თუ როგორ აპირებენ ხელისუფლების ოპონენტები მოქმედებას.
