გერმანიამ აქციის მონაწილეების მიმართ ძალადობაზე პასუხისმგებელ 9 პირს სანქციები დაუწესა
გერმანიამ 9 პირს, რომლებიც საქართველოში მშვიდობიანი დემონსტრანტებისა და ოპოზიციის წევრების წინააღმდეგ ძალადობაზე არიან პასუხისმგებელი, ქვეყანაში შესვლა აუკრძალა -
ამის შესახებ გერმანიის საგარეო საქმეთა სამინისტრო წერს.
დასანქცირებულთა ვინაობა ამ ეტაპზე ცნობილი არ არის.
"დღეს გერმანიამ აუკრძალა ქვეყანაში შესვლა 9 ადამიანს, რომლებიც ძირითადად პასუხისმებლები არიან საქართველოში მომიტინეებისა და ოპოზიციის წევრების მიმართ ძალადობაზე. მშვიდობიანი პროტესიტს უფლება ადამიანის ერთ-ერთი უნივერსალური უფლებაა - მისი დაცვა კი ჩვენი პასუხისმგებლობაა", - წერს გერმანიის საგარეო საქმეთა სამინისტრო.
ამასთან, ვაიმარის სამკუთხედის წევრი ქვეყნების საგარეო საქმეთა მინისტრებმა საგანგებო განცხადება გაავრცელეს და "ქართულ ოცნებას" მოუწოდეს, განიხილოს ახალი არჩევნების ჩატარების შესაძლებლობა.
- განცხადებას ხელს აწერენ გერმანიის საგარეო საქმეთა მინისტრი, ანალენა ბერბოკი, საფრანგეთის საგარეო საქმეთა მინისტრი, ჟან-ნოელ ბარო და პოლონეთის საგარეო საქმეთა მინისტრი, რადოსლავ სიკორსკი.
