საქართველოს მეხუთე პრეზიდენტი, სალომე ზურაბიშვილი ქვეყანაში მიმდინარე მოვლენებს სოციალურ ქსელში ეხმაურება: 

"#ტერორისაქართველოში - არასამთავრობოებისა და პროექტების საგარეო დაფინანსება უკვე აკრძალულია. ადგილობრივი სოლიდარობის ფონდები თვითნებურად გაყინულია. არაპროპორციული ჯარიმები (თითო $1800) ახრჩობს მშვიდობიან დემონსტრანტებს. ბიზნესმენები პატიმრობაში. პოლიტიკოსებს ემუქრებიან. უცხოელ ოფიციალურ პირებს ქვეყანაში არ უშვებენ" - წერს სალომე ზურაბიშვილი. 

ცნობისთვის, პროკურატურის მოთხოვნის საფუძველზე, თბილისის საქალაქო სასამართლომ დააყადაღა:

• საქველმოქმედო ფონდი „ნანუკას ფონდი“;
• საქველმოქმედო ფონდი „ფროსფერითი“;
• საქველმოქმედო ფონდი „ფონდი ერთმანეთისთვის 24/7“;
• არასამთავრობო ორგანიზაცია „თბილისის ადამიანის უფლებათა სახლი“;
• არასამთავრობო ორგანიზაცია „სირცხვილია“. 

საქართველოს მოქალაქეები 112 დღეა უწყვეტ პროტესტს მართავენ. აქციის მონაწილეების მთავარი მოთხოვნა-ხელახალი არჩევნები და პოლიტპატიმრების განთვისუფლებაა.