ნუ მომიშლით ნერვებს! - ასე პასუხობს უზენაესი სასამართლოს ყოფილი თავმჯდომარე, ნინო გვენეტაძე მის მიმართ გაჟღერებულ სკანდალურ ბრალდებებს. 

ბესო ალავიძის განცხადებების შემდეგ, "პირველებმა" ნინო გვენეტაძესთან პირველი ინტერვიუ ჩაწერა.

• ალავიძის მტკიცებით, ნინო გვენეტაძე პირადად მიდიოდა ივანიშვილთან და მისი ბრძანებები მოსამართლეებამდე მიჰქონდა.

გვენეტაძე ირწმუნება, რომ ივანიშვილი ცხვორებაში ერთადერთხელ ჰყავს ნანახი და ამტკიცებს, რომ არც "რუსთავი 2"-ის საქმესთან აქვს რაიმე საერთო. 

კარგით რა, ამაზე არასდროს შემაწუხოთ! [ბიძინა] ივანიშვილს ერთადერთხელ ვარ შენახვედრი... ახლა გინდათ, რომ ეს დღეს, დასვენების დღე რომაა, ნერვები ამიშალოთ? არ მაინტერესებს არაფერი, მინდა, მშვიდად გადავიტანო ეს დასვენების დღე.  რას ლაპარაკობთ [არ ვიღებდი მითითებეს ივანშვილისგან] ბესო ალავიძეს ჰკითეთ, იტყუება თუ არა. წყნარად იყავით და ნუ მომიშლით ნერვებს. რა "რუსთავი 2"-ის საქმე, რა ალავიძე", - ამბობს ნინო გვენეტაძე. 

ბესარიონ ალავიძის ნაამბობით, ნინო გვენეტაძემ ის "რუსთავი 2"-ის საქმეზე დაიბარა - "გვენეტაძემ დაიწყო ტირილი, მთხოვეო რასაც გინდა იმას შეგისრულებო, იქნება დაუშვებლობის განჩინებას მოაწერო ხელიო. მართლა ტიროდა, მე აქ დამნიშნეს იმის გამო, რომ ეს საქმე გამეკეთებინაო".

ასევე ნახეთ :

• როგორ აიძულებდა ივანიშვილი მოსამართლეებს სასურველი გადაწყვეტილების მიღებას - ყოფილი მოსამართლის სკანდალური განცხადება
• ლევან მურუსიძე უზენაესი საბჭოს თავმჯდომარედ ივანიშვილის მოთხოვნით დანიშნეს - ყოფილი მოსამართლე
• ივანიშვილის ადვოკატმა მითხრა, რომ ეროსი [კიწმარიშვილი] მოკლეს - ყოფილი მოსამართლე
• "სუს-მა მოსამართლეები ოთახში ჩაგვკეტა" - ყოფილი მოსამართლე ყვება, როგორ "შეიკერა" "რუსთავი 2-ის" საქმე

სკანდალური ჩვენებსი გამოქვეყნების შემდეგ უზენაესი სასამართლოს ყოფილმა მოსამართლემ ინგა გრიგოლიას "რეაქციაში" ისაუბრა და  განაცხადა, რომ მას აქვს ჩანაწერი რომელშიც ასახულია, როგორ "ურჩევს საქმეებს" სასამართლოს გავლენიანი გარემოცვა მოსამართლეებს.