დიუშენის დაავადების მქონე ბავშვების მშობლებს განგაშის სიგნალი აქვთ ჩართული. კუნთოვანი დისტროფიის მქონე მოზარდებს სიცოცხლისთვის საჭირო მედიკამენტი არ აქვთ, მიუხედავად იმისა, რომ წამალი მსოფლიოს მაშტაბით ბაზარზე უკვე არსებობს. 

სამკურნალო პრეპარატის შემოტანის მოთხოვნით მშობლებმა არაერთხელ მიმართეს სამინისტროს, თუმცა ყველა მცდელობა უშედეგოდ დასრულდა.
ამიტომ მოლაპარაკებების ფორმატი პროტესტით შეიცვალა.

დუშენის კუნთოვანი დისტროფია ყოველდღიურად რეგენირებადი დაავადებაა, რაც მაღალი საფრთხის მატარებელია და თითოეულ წუთს რისკის ქვეშ აყენებს. დაგვიანებულმა მკურნალობამ თითოეული პაციენტის სიცოცხლე შესაძლოა, ფატალურად დაასრულოს, ამიტომ მშობლებს ლოდინის დრო აღარ აქვთ დარჩენილი.

საპროტესტო აქციაზე დღეს "ქართული ოცნების" მინისტრი მიხეილ სარჯველაძე გამოჩნდა. მან მშობლებთან გასაუბრება კამერებს მიღმა ისურვა, თუმცა მკაცრი უარის შემდეგ მოუწია იმ რეალობას გაცნობოდა, რაშიც დაავადების მქონე ბავშვების ოჯახებს ყოველდღიურად უწევთ ცხოვრება.

მიხეილ სარჯველაძე პრობლემის მოსაგვარებლად დროს ითხოვს, თუმცა ვერ ასახელებს თარიღს, როდის შეეძლება ჯანდაცვას, მედიკამენტი ქვეყანაში შემოიტანოს, რაც პროტესტის დამატებითი მიზეზია.

ვრცლად ნახეთ თეკლა დონაძის რეპორტაჟში.