მიხეილ სარჯველაძე საუბრობს, რა არ უნდა გააკეთოს. ის არ საუბრობ იმაზე, რა უნდა გააკეთოს, - ამის შესახებ დიუშენის დისტროფიით დაავადებული ბავშვების მშობლებმა საგანგებო ბრიფინგზე განაცხადეს. 

მშობლების განცხადებით, მათი მთავარი მოთხოვნა სახელმწიფოსგან კონკრეტული და დროული გადაწყვეტილებებია, რადგან არსებული ვითარება ბავშვების ჯანმრთელობას ყოველდღიურად აუარესებს.

მათი თქმით, საუბარია ათობით პაციენტზე, რომელთათვისაც დრო კრიტიკულია და მკურნალობის დაგვიანება შეუქცევად შედეგებს იწვევს. ისინი ხაზს უსვამენ, რომ შესაბამისი მედიკამენტები საერთაშორისო დონეზე უკვე აპრობირებული და აღიარებულია, მათ შორის აშშ-ისა და ევროპის მარეგულირებელი უწყებების მიერ.

მშობლები აღნიშნავენ, რომ საქართველოში ამ პრეპარატების შემოტანის გაჭიანურება ბავშვებისთვის შანსის დაკარგვას ნიშნავს და აცხადებენ, რომ პროტესტს არ შეწყვეტენ, ვიდრე სახელმწიფო შესაბამის გადაწყვეტილებას არ მიიღებს.

ჩვენ ვართ დიუშენის დაავადებული ბავშვების მშობლები და უკვე თითქმის 1 კვირაა, რაც უწყვეტად ვდგავართ კანცელარიის წინ და ღამეებს ვათენებთ ჩენი შვილების სიცოცხლის დასაცავად. ჩვენ მოვისმინეთ მიხეილ სარჯველაძის გამოსვლა პარლამენტში და ის საუბრობს იმაზე, რა არ უნდა გააკეთოს. ის არ საუბრობს იმაზე, რა უნდა გააკეთოს და რას გააკეთებს. 

ჩვენ მოვითხოვთ კონკრეტულ ქმედებებს საელმწიფოსგან. ჩვენ დავინახეთ, რომ ჯერჯერობით არ არის პოლიტიკური ნება, რომ ჩვენი შილები გადარჩნენ. პოლიტიკური ნება არის ის, რომ ეს პროცესი გახანგრძლივდეს და არაფერი გაკეთდეს. 

საუბარია 100 ბავშვის სიცოცხლესა და ჯანმრთელობაზე, რომლებსაც აქვთ ეს დაავადება და ისინი ნელ-ნელა კარგავენ თავიანთი სიცოცხლის და ჯანმრთელობის რესურსს. მედიკამენტები, რომელიც ჩამოთვალა მიხეილ სარჯველაძემ, ეს მედიკამენტები არის თანამედროვე მედიკამენტები და ეს არი არის ბალახეული და ექიმბაშების მიერ მოგონილი წამალი, რომელიც არ არის აპრობირებული თანამედროვე მსოფლიოში. ეს მედიკამენტები არის აპრობირებული, დამტკიცებული აშშ-ს სააგენტოს მიერ, ასევე ევროპის წამლების სააგენტოს მიერ და ეს მედიკამენტები გამოიყენება და მსოფლიო იწყებს ამ მედიკამენტების ფართოდ გამოყენებას და დანერგვას. სანამ ჩვენი სახელმწიფო გონზე მოვა და მიიღებს გადაწყვეტილებას, მანამდე ჩვენი ბავშვებისთვის ეს დრო იქნება დაგვიანებული. ამიტომ ჩვენ ვიდგებით აქ და გავაგრძელებთ ჩვენს მოთხოვნას მანამ, სანამ ეს წამლები არ შემოვა საქართველოში, - განაცხადა კახა წიქარიშვილმა. 

შეგახსენებთ, რომ ჯანდაცვის მინისტრი დღეს პარლამენტში ინტერპელაციის წესით იყო დაბარებული. პარტია "საქართველოსთვის" დეპუტატებსს მასთან კითხვები დიუშენის დაავადეის მქონე ბავშვებისთვის მედიკამენტის შემოტანასთან დაკავშირებით ჰქონდათ.