9 მაისი გორში - კომუნისტური იდეოლოგიის მიმდევრებმა ნაომარ ქალაქში მსვლელობა საბჭოთა სიმბოლოებით გამართეს
9 მაისი გორში - ფაშიზმზე გამარჯვების 81 წლისთავზე, კომუნისტური იდელოგიის მიმდევრებმა ნაომარ ქალაქში აკრძალული საბჭოთა სიმბოლოებით გამართეს მსვლელობა.
"სტალინი, გამარჯვება, სოციალიზმი" - ამ შინაარსის იყო ტრანსფარანტები, რომელიც მსვლელობაში მონაწილეებს ეჭირათ ხელში.
დემონსტრანტები სტალინის მუზეუმიდან ქალაქის საკრებულომდე მივიდნენ. საბჭოთა სიმბოლიკით დატვირთულ მსვლელობაზე მონაწილეებისგან პერიოდულად ისმოდა შეძახილებიც: "დიდება დიდ სტალინს". აქციის მონაწილეეებმა სტალინის ძეგლის და საბჭოთა კავშირის დაბრუნება მოითხოვეს იმ ქალაქის მოედანზე,რომელსაც 2008 წელს რუსეთი ბომბავდა.
