პირველი მილიონი უკვე შეგროვდა, მაგრამ უწყვეტი მარათონი ისევ გრძელდება. დიუშენის კუნთოვანი დისტროოფის მქონე მოზარდებისთვის გახსნილ ანგარიშს თანხა ისევ ყოველ წუთიერად ემატება. 

ერთ ლარიან კამპანიაში უკვე 100-ზე მეტი კომპანია ჩართული, მათ შორის არიან კაფეები, თეატრები, მაღაზიები, გამომცემლობები, - "ბიბლუსი", "ბაკურ სულაკაურის წიგნების გამომცემლობა",  "ნიკო კვარაცხელიას სახელობის ფონდი", "ლილია"  თეატრი სახელოსნო, სამეფო უბნის თეატრი და ა.შ. 

ნიკო ბავშვობიდან თვალებანთებული ხვდებოდა ჩვენი ოჯახის მეირ გაკეთებულ არაერთ საქველმოქმედო საქმეს. მე მახსოვს მისი ემოციები, როცა იავნანას ფონდის მარათონში ვიღებდით მონაწილეობას არაერთხელ, მერე უკვე საქართველოში დაბრუნებული თვითონ არაერთი ქველმოქმედების ინიციატორი იყო, რომლის შესახებადაც ჩვენ ამქვეყნიდან გასვლის მერე გავიგეთ. და როცა ასეთ ქველმოქედებაზეა საუბარი, ნიკოს ფონდი ყოველთვის სიხარულით უერთდება", - ამბობს ნიკო კვარაცხელიას დედა იზა ომაძე. 

"ლილია" არის ქართული ბრენდი და ჩვენთვის მართლა უმნიშნელოვანესია სოციალური პასუხისმგებლობა და მე მართლა უბედნიერესი ვარ, რომ შემიძლია ძალიან მცირედით თუნდაც მივიღო მონაწილეობა იმ უპრეცედენტო სოლიდარობაში, რაც ბოლო რამდენიმე დღეა ამ ქვეყანაში ხდება. "ლილიაში" ეს სოლიდარობის აქცია გაგრძელდება ერთი თვსი განმავლობაში და ნებისმიერი ჩვენი გაყიდული პროდუქტიდან თანხა გადაირიცხება სოლიდარობის ფონდში. იმდენად დიდი მოტივაციაა ჩემთვის, რომ ამ ბავშვებს, რომლებიც უყურადღებოდ დატოვეს დავეხმარო, რომ ძალიან ბედნიერი ვარ. მინდა ბევრი კომპანია და ბიზნესი ჩაერთოს ამ სიკეთის კამპანიაში" - ამბობს "ლილიას" დამფუძნებელი მარიამ გაფრინდაშვილი.

ცნობისთვის, დიუშენის კუნთოვანი დისტროფიით დაავადებული ბავშვების მშობლები უკვე ერთი თვეა თბილისში, კანცელარიასთან უწყვეტ აქციას მართავენ და შვილებისთვსი წამალს ითხოვენ.

საქართველოში დიუშენის კუნთოვანი დისტროფიის დიაგნოზით 100-მდე ბავშვია აღრიცხული. ეს გენეტიკური დაავადებაა, რომელიც ადრეულ ასაკში კუნთების დასუსტებას და ფატალურ შედეგს იწვევს. მშობლები ერთი წელია ქვეყანაში ამ მომაკვდინებელი დაავადების სამკურნალო პრეპარატის შემოტანას უშედეგოდ ითხოვენ.