მჯერა, გერმანია-საქართველოს ხანგრძლივი მეგობრობა გადააჭარბებს გამოგონილ ნარატივს, თითქოს გერმანია ან ევროკავშირი მტრულად არიან განწყობილნი საქართველოს მიმართ - ასე ეხმაურება გერმანიის ყოფილი ელჩი საქართველოში, პეტერ ფიშერი, ევროპულ-ქართული ინსტიტუტის ხელმძღვანელის, გიორგი მელაშვილის სტატიას, სადაც საუბარია გერმანიისა და საქართველოს მრავალწლიან ურთიერთობაზე და ასევე პეტერ ფიშერის დიპლომატიურ მოღვაწეობაზე.

"მადლობა გიორგი მელაშვილის ამ სტატიისთვის, რომელიც გვახსენებს გერმანია-საქართველოს ხანგრძლივ პარტნიორობასა და მეგობრობას. მჯერა, რომ ის გადააჭარბებს იმ გამოგონილ ნარატივს, თითქოს გერმანია ან ევროკავშირი მტრულად არიან განწყობილნი საქართველოს მიმართ, ასევე გადააჭარბებს გერმანია-ევროკავშირის დიპლომატების წინააღმდეგ „ხელოვნურად შექმნილ აღშფოთებას", - წერს ფიშერი. 

რა დაწერა გიორგი მელაშვილმა საქართველოსა და გერმანიას შორის არსებულ ურთიერთობზე: 

• "დიპლომატები იშვიათად იწვევენ ძლიერ ემოციებს. ისინი ჩამოდიან, ასრულებენ თავიანთ ვადას, ერთვებიან ადგილობრივ საზოგადოებაში და, თუ გაუმართლათ, კარგ დროსაც ატარებენ. როდესაც ასეთი უცხოელი ელჩი ტოვებს ქვეყანას, ეს იშვიათად თუ აღიქმება სხვა რამედ, გარდა დიპლომატიური კალენდრის ჩვეულებრივი ჩანაწერისა. გერმანიის ელჩის, პეტერ ფიშერის, საქართველოდან წასვლა იშვიათი გამონაკლისია - არა პროტოკოლური მიზეზების გამო, არამედ იმ მნიშვნელობის გამო, რასაც მისი მოღვაწეობის ვადა წარმოადგენდა, როდესაც საქართველოს ევროპული მომავალი საფრთხის ქვეშ დგას.
• იმის გასაგებად, რატომ აღიქმება ფიშერის წასვლა უფრო მეტად, ვიდრე უბრალოდ თანამდებობის რუტინული ცვლილება, სასარგებლოა გავიხსენოთ, რამდენად ძველია ეს მეგობრობა - და რამდენჯერ ყოფილა გერმანია საქართველოს გვერდით გადამწყვეტ, გარდამტეხ მომენტებში"