შეასრულებს თუ არა "ოცნება" ეუთოს საპარლამენტო ასამბლეიდან მიღებულ რეკომენდაციებს? -ერთი-ერთი მათგანი საარჩევნო რეფორმას ეხება.  ხელისუფლებას გავლენიანი ორგანიზაციიდან შემოუთვალეს, რომ თუ ქვეყანაში საარჩევნო რეფორმა არ გატარდება, მომდევნო არჩევნების შედეგები შესაძლოა კითხვის ნიშნის ქვეშ დადგეს.

შეგახსენებთ, რომ "ოცნებამ" საარჩევნო კოდექსში ცვლილებები რამდენიმეჯერ შეიტანა. არასამთავრობო სექტორი კი განსაკუთრებით ერთ-ერთ მნიშვნელოვან კანონზე ამახვილებს ყურადღებას, რომლის მიხედვითაც პირს 8 წლით ეკრძალება პოლიტიკური საქმიანობა და შესაბამისად არჩევნებში მონაწილეობა, თუკი ის მანამდე მუშაობდა ორგანიზაციაში, რომლის 20% ფინანსური წყარო მოდიოდა უცხოური სახელმწიფოდან. 

"საერთაშორისო გამჭვირვალობა-საქართველოს" აღმასრულებელი დირექტორი, ეკა გიგაური ამბობს, რომ კანონში ამ ყველაფრის ჩადება უკავშირდება "ოცნების" შიშს, რომ ქართულ პოლიტიკაში არ გამოჩდნენ ისეთი ადამიანები, რომელბსაც ან საზღვარგარეთ აქვთ მიღებული განათლება, ან საერთაშორისო კორპორაციებიდან ფინანსდებოდნენ. 

დღეს გარდა იმისა, რომ ოპოზიცია არ არის წარმოდგენილი საარჩევნო კომისიებში და მათი ფუნქციები და როლი არის შემცირებული, ასევე მნიშვნელოვანი ჩანაწერი უკავშირდება იმ ადამიანებს, რომლებსაც საერთოდ შეუძლიათ პოლიტიკაში მონაწილეობის მიღება. ეს ადამიანები, რომლებიც შემოსავალს იღებენ მათ შორის საერთაშორისო კორპორაციებიდან და ბიზნესიდან, მათ არ აქვთ უფლება - კენჭი იყარონ და რაიმე სახით მონაწილეობა მიიღონ პოლიტიკურ საქმიანობაში. ყველაფერი ეს უკავშირდება იმას, რომ  ფაქტიურად "ოცნებამ" შეზღუდა ყველა გზა იმისთვის, რომ საქართველოში ჩამოყალიბდეს ახალი პოლიტიკური ძალა. ყველა იმ ადამიანს, რომელსაც განსაკუთრებული გამოცდილება აქვს და მათ შორის ბოლო პერიოდში განათლება მიუღია დასავლეთში, მათ უბრალოდ არ აქვთ უფლება მიიღონ მონაწილეობა არჩევნებში.  რა თქმა უნდა, ეს გამოწვეულია იმით, რომ "ოცნებას" ეშინია ახალი პირების გამოჩენის პოლიტიკაში იმ უბრალო მიზეზის გამო, რომ მათ უბრალოდ არ აქვთ მხარდაჭერა საზოგადოებაში", - აცხადებს ეკა გიგაური. 

შეგახსენებთ, რომ ეუთო-ს საპარლამენტო ასამბლეამ "ჰააგის დეკლარაცია" მიიღო - "ქართული ოცნების" დელაგაციამ კი კენჭისყრა პროტესტის ნიშნად დატოვა.