"ქურდული გარჩევების" საქმე - "ოცნების" სიით გასული საკრებულოს დეპუტატი, რომელიც 29 დაკავებულს შორისაა, თავს  დამნაშავედ არ ცნობს და თუ ადვოკატს დავეყრდნობით, "სრულ გაურკვევლობაშია და ვერ გებულობს რასთან აქვს საქმე". 

უფლებადამცველი დღეს ირწმუნებოდა, რომ ლაშა ლეთოდიანს "კანონიერ ქურდ" კვიჟინაძეს შემხებლობა საერთდო არ აქვს.

• გამოძიებსი მიერ გავრცელებულ ფარულ ვიდეო ჩანაწერებში ისმის, როგორ ახსენებს კვიჟნაძის სახელს და გვარს საკრებულსო დეპუტატი. 

თავს უდანაშაულოდ ცნობს, საერთოდ გაურკვეველ მდგომარეობაშია, ჩვენ მზად ვართ თანამშრომლობისთვსი, თუმცა არანაირი კითხვა არ დაისვა მის მიმართ, პირიქით - სასამართლოს განჩინებით მოხდა მისი დაკავება. კითხვები მის მიმართ არ დასმულა, ვერც კი გებულობს რასთან გვაქვს საქმე. კრეფსები არსებობს, რომლის ექსპერტიზაც ჯერ-ჯერობით ჩატარებული არ არის. ამ კრეფსებშიც კი რაიმე სახის დანაშაულის ნიშნები არ არსებობს, მითუმეტეს მისი მხრიდან აქტიური ქმედებების განხორციელება.

საერთოდ არანაირ შემხებლობა "კანონიერ ქურდ" კვიჟინაძესთან არ აქვს. არანაირი ისეთი პირი გამოვლენილი არ არის, ვისაც რაიმე ზიანი მიადგა. არც ხმა, არც რაიმე სახის კომუნიკაცია ამ საქმეში არ არის. არ მარტო ფარული ჩანაწერების ავთენტურობას, არამედ არსებობას ვაყენებთ ეჭვქვეშ. ერთადერთი რაც არის კრეფსში, ერთი ადამიანი ესაუბრება მეორე ადამიანს, რომელიც არის ზუსტად იგივე თემიდან. საქმის გარჩევა არ არის ეს. ეს არის ერთი ადამიანსი მიერ წარმოთქმული ერთი წინადადება, რომელიც ასევე არ შეიცავს ძალადობის ფაქტებს", - ამბობს ადვოკატი.

საქმის პროკურორი კი აცხადებს, რომ გარდა იმისა, რომ დეპუტატმა მონაწილეობა მიიღო "ქურდულ გარჩევებში", მან ასევე სცემა კონკრეტული პირები "ქურდული სამყაროს" წევრის შეურაცხმყოფელი ფრაზებით მოხსენიების გამო. 

ვაჟა თოდურას თქმით, ცაგერის საკრებულოს დეპუტატს ახლო ურთიერთობა ჰქონდა  "ქურდული სამყაროს" წევრთ შალვა ნაყეურთამ და მასთან ერთად განიხილავდა "კანონიერ ქურდთან" დაკავშირების გზებს.

აღნიშნული პირი მხარს უჭერდა "ქურდული სამყაროს" საქმიანობას, მას უშუალო კომუნიკაცია ჰქონდა "ქურდული სამყაროს" წევრთან. მასთან ერთად განიხილავდა "კანონიერ ქურდთან" დაკავშირების გზებს. მან ასევე განახორციელება კიდევ ერთი დანაშაულებრივი ქმედება, რაც იმაში გამოიხატა, რომ მან კონკრეტულ პირებს მიაყენა ფიიზკური შეურაცხყოფა, ვინაიდან ქურდული სამყაროს წევრი მოიხსენიეს შეურაცხყოფილად. მას "ქურდული სამყაროს" წევრთან გააჩნდა გარკვეული სახის ახლობლური ურთიერთობა. ლეთოდიანმა ჩაიდინა "ქურდული სამყაროს" საქმიანობის მხარდაჭერა, მიაყენა ფიზკური შეურაცხყოფა კონკრეტულ პირებს და ასევე გარკვეულწილად მონაწილეობა მიიღო იმ "ქურდულ გარჩევებში" რომელიც მოაწყო შალვა ნაყეურმა", - განაცხადა პროკურორმა ვაჟა თოდუამ. 

ცაგერის საკრებულოს დეპუტატს, ლაშა ლეთოდიანს და კიდევ 9 დაკავებულს აღკვეთის ღონისძიების სახით პატიმრობა შეეფარდათ.

ლეთოდიანი ცაგერის საკრებულოში "ქართული ოცნების" სიით არიის გასული, ახლა კი "ხალხის ძალას" წარმოადგენს. 

დღევანდელ სასამართლო პროცესზე ლეთოდიანის ადვოკატმა საკრებულოდან ბრალდებულის დახასიათება მიიტანა.

როგორც დღევანდელ პროცესზე საბრალდებო უწყების წარმომადგენელმა განაცხადა, ლეთოდიანი თვეების განმავლობაში ჩართული იყო ე.წ. "ქურდულ გარჩევებში",  გარვეულ პირებს ე.წ. ქურდული საერთოსთვის თანხის შეგროვებას სთხოვდა და საქმეს მისსავე მანქანაში. 

დღევანდელი სასამართლოდან გახდა ცნობილი, რომ დეპუტატს გამოძიება რამდენიმე თვის განმავლობაში სწორედ მანქანაში ჩამონტაჟებული მოსასმენი აპარატურით უსმენდა. სწორედ აქედან გაიხსნა საქმე. 

• ცნობისთვის, საქმე ეხება მასშტაბურ სპეცოპერაციას, რომლის ფარგლებშიც ბრალი სულ 32 პირს წარედგინა - მათგან 29 დაკავებულია. გამოძიების ინფორმაციით, ბრალდებულები სისტემატურად აწყობდნენ "ქურდულ გარჩევებს", დაუმორჩილებლობის შემთხვევაში კი, მოქალაქეებს ფიზიკური ანგარიშსწორებითა და სიცოცხლის მოსპობით ემუქრებოდნენ.