"შეცვალე ან გააუქმე წარწერა "მშვიდობის ქალაქი" - მოქალაქეები კახი კალაძეს პეტიციით მიმართავენ. მოთხოვნაზე ხელმომწერები ამბობენ, რომ საახალწლო სლოგანი  არადემოკრატიულად შერჩეულია. 

ამ პეტიციაზე ხელისმოწერით მოვითხოვ, გათვალისწინებულ იქნას ჩემი ნება, თავისუფლების მოედანზე წარწერა „მშვიდობის ქალაქი“ ჩანაცვლდეს სხვა, ყველასთვის მისაღები სლოგანით, (მაგ.სოლიდარობის ქალაქი; ევროპული ქალაქი; ა.შ) (ჩაატარეთ კენჭისყრა, გამოკითხვა... ... ) ან 2023 წელს შევხვდეთ სლოგანის გარეშე.

ვინაიდან მე, როგორც ქვეყნის მოქალაქე თავს შეურაცხყოფილად ვგრძნობ ჩემი მთავრობის არადემოკრატიულად შერჩეული სლოგანით ომში მყოფი მეგობარი უკრაინის წინაშე. 9 დეკემბერს, ილუმინაციის ანთების დაანონსებულ დროს, ნუ აანთებთ ამ წარწერას.

შეგახსენებთ - 2023 წელი გადამწყვეტი იქნება საქართველოს ევროპული მომავლისთვის. არაერთი კონვენციით და კანონით ვალდებული ხართ, საჯარო განხილვა და მოსახლეობის აზრი გაითვალისწინოთ"- აცხადებენ ხელმომწერები. 

პეტიციაზე ხელმოსაწერად ეწვიეთ ბმულს