ქუთაისში 7 წლის ბავშვზე სექსუალური ძალადობის მცდელობის ბრალდებით დაკავებულს პატიმრობა შეეფარდა. გადაწყვეტილება ქუთაისის საქალაქო სასამართლომ მიიღო - მოსამართლემ პატიმრობასთან დაკავშირებით ბრალდების მხარის მოთხოვნა გაითვალისწინა.

დაკავებულის ადვოკატი გირაოს სანაცვლოდ გათავისუფლებას ითხოვდა, თუმცა მოსამართლემ შუამდგომლობა არ დააკმაყოფილა.

65 წლის კაცი გუშინ არასრულწლოვნის გაუპატიურების მცდელობის ბრალდებით დააკავეს. გამოძიება 138-ე მუხლით დაიწყო.