შსს-ს მაღალჩინოსნის სკანდალი - რას ამბობენ პოლიციელები გავრცელებულ კადრებზე (ვიდეო)
პოლიციელები ვაჟა სირაძის სამსახურში - სამართალდამცველები ამბობენ, რომ პოლიციის შეფზე გავრცელებულ კადრებში ვერანაირი ძალის გადამეტება ვერ დაინახეს.
"მანდ კანონდარღვევას ვერ ვხედავ ვერცერთი პოლიციელის მხრიდან, მითუმეტეს ვაჟა სირაძის მხრიდან. პოლიციაა და მოქმედებს კანონის ფარგლებში", - ამბობენ პოლიციელები.
აქციის მონაწილეების ცემაში ადვოკატები ვაჟა სირაძეს ადანაშაულებენ - გასაჯროვებულია ვიდეო-კადრები, სადაც ჩანს, რომ პოლიციის შეფიდაკავების დროს, სავარაუდოდ, ერთ-ერთ აქტივისტზე ძალადობს.
რატომ არ იბარებენ ამ დრომდე საგამოძიებოში ვაჟა სირაძეს? - კარლო კაციტაძის უწყებაში ამბობენ, რომ მათთვის ჯერ არავის მიუმართავს.
საინტერესოა, რაში სჭირდება საგამოძიებოს მიმართვა, როდესაც საჯაროდ გავრცელდა კადრები, რომელიც "პირველებმა" გადაიღო და სადაც პოლიციის შეფის მხრიდან სავარაუდო დანაშაული იკვეთება.
