გერმანიის ქალაქ ველბერტში, საქართველოს ეროვნული საფეხბურთო ნაკრების გულშემატკივრები სპორტსმენების სასტუმროსთან მივიდნენ.

"გულს ნუ გაიტეხთ, სადაც წახვალთ თქვენ, იქ დაგხვდებით ჩვენ" - სკანდირებენ შეკრებილი მოქალაქეები და ქართველ ფეხბურთელებს ევროპის ჩემპიონატზე გასვლისა და წარმატებული მატჩების შესრულებისთვის მადლობას უხდიან.

ცნობისთვის, საქართველოს ნაკრების თვითმფრინავი თბილისის საერთაშორისო აეროპორტში ხვალ, 2 ივლისს, 7:30 საათზე ჩამოფრინდება.