საქართველოს პრეზიდენტი, სალომე ზურაბიშვილი ძიუდოისტ გიორგი სარდალაშვილს ზაფხულის ოლიმპიურ თამაშებში მეოთხედფინალში გადასვლას ულოცავს.

პრეზიდენტი მილოცვის ვიდეოს სოციალურ ქსელ "Facebook"-ზე აქვეყნებს და ძიუდოისტს მრავალ წარმატებას უსურვებს.

ძიუდოისტი გიორგი სარდალაშვილი პარიზის ოლიმპიადის მეოთხედფინალშია - მსოფლიოს მოქმედმა ჩემპიონმა (60კგ) პირველი გამარჯვება მოიპოვა.

21 წლის ქართველმა სპორტსმენმა ისრაელის წარმომადგენელ იამ ვოლჩაკს სძლია.

წინასწარი შეხვედრები თბილისის დროით 12:00 საათზე დაიწყო. ფინალური ბლოკი კი 18:00 საათზე გაიმართება.

ძიუდოისტთა ტურნირი 2 აგვისტოს დასრულდება. 3 აგვისტოს კი პარიზის 2024 წლის ოლიმპიურ თამაშებზე შერეული გუნდური შეჯიბრება გაიმართება, რომელშიც საქართველოს ნაკრები ისტორიაში პირველად იასპარეზებს.