"პირველების" ინფორმაციით, შსს ბაჩიაშვილის დახმარების აღმოჩენის ბრალდებით 2 მოქალაქისთვის ბრალის წარდგენას ცდილობს
"პირველების" ინფორმაციით, შსს სამინისტრო ბაჩიაშვილისთვის დახმარების აღმოჩენის ბრალდებით, ერთი დაკავებულის გარდა, კიდევ ორი მოქალაქისთვის ცდილობს ბრალის წარდგენას.
ბიზნესმენის ქვეყნიდან გაყვანის საქმეზე შსს-მ დღეს ერთი პირი დააკავა.
უწყების განცხადების თანახმად, ამოღებულია ის სატრანსპორტო საშუალება, რომლის მეშვეობითაც გიორგი ბაჩიაშვილი და ბრალდებული პირი გადაადგილდებოდნენ.
- 4 მარტს, გიორგი ბაჩიაშვილმა Facebook-ზე დაწერა, რომ საქართველო დატოვა. მოგვიანებით თანაინვესტირების ფონდის" ყოფილმა ხელმძღვანელმა, რომელსაც პასპორტი ჩამორთმეული აქვს, "ტვ პირველის" გადაცემა “რეაქციაში“ ისაუბრა და თქვა, რომ ქვეყნიდან წასასვლელად "სისტემაში არსებული ხვრელები და ადამიანებიც" გამოიყენა.
- ბაჩიაშვილი არ ასახელებს, თუ რომელ ქვეყანაში იმყოფება.
რეჟიმს გიორგი ბაჩიაშვილის წინააღმდეგ უკვე სამ საქმეზე აქვს დავა - კრიპტოვალუტის, "მტკვარი ჰესის" და საზღვრის კვეთის საქმეზე ბიზნესმენს უკვე აღკვეთი ღონისძიების სახით სამი პატიმრობა აქვს.
