საგანგებო სიტუაციების მართვის სამსახური ტელეკომოანია "ფორმულადან" თანამშრომლების ევაკუაციის პროცესს ახორციელებს. 

ხალხი გაჰყავთ ბიზნესცენტრ „დელისის“ შენობაში გაბთავსებული სხვა ოფისებიდანაც. 

ამ დროისთვის არსებული ინფორმაციით,  ხანძრის ლოკალიზების მიზნით, ადგილზე 15-ზე მეტი ავტოსახანძრო ტექნიკაა მობილიზებული.

ბიზნესცენტრ „დელისის“ შენობაში ხანძარი ცოტა ხნის წინ გაჩნდა. შენობის 17-18-ე სართულზე ტელეკომპანია „ფორმულას“ ოფისიცაა განთავსებული, რის გამოც ტელეკომპანიის სტუდიებსა და ნიუსრუმში ძლიერი დაკვამლიანება იყო. 

უშუალოდ "ფორმულას" ნიუსრუმში 22 ჟურნალისტი იმყოფებოდა. ისინი ეტაპობრივად [4-4 ადამიანი] ჩამოიყვანეს.