წლის დასაწყისში უტა ივანიშვილთან დაკავშირებული სკანდალის და იაპონური მედიის გამოძიების შემდეგ, საქართველოს ელჩი იაპონიაში, თეიმურაზ ლეჟავა დღეს კამერების წინ პირველად გამოჩნდა.

• შეგახსენებთ, რომ ბიძინა ივანიშვილის უფროსი შვილი იაპონიაში საქართველოს ელჩს, თეიმურაზ ლეჟავას შეხვდა - აუდიენცია 26 იანვარს, ტოკიოს ერთ-ერთი რესტორნის კუთხეში შედგა. ამის შესახებ იაპონური მედიასაშუალება Shūkan Bunshun  იუწყებოდა.
• გამოცემამ გაავრცელა შეხვედრის ამსახველი ფოტო მასალასაც, სადაც ჩანს ლეჟავა, თუმცა დაფარულია ივანიშვილის უფროსი შვილის, უტა ივანიშვილის სახე.
• Shūkan Bunshun-ის მტკიცებით, შეხვედრა დაახლოებით ერთი საათს გაგრძელდა, რომლის ბოლოსაც ლეჟავამ ივანიშვილს დიდი შავი ჩანთა გადასცა და უთხრა, რომ - "აქ არ გახსნა, იმედი მაქვს გამოგადგება".

 თეიმურაზ ლეჟავამ მცდელობის მიუხედავად "TV პირველის" შეკითხვებს არ უპასუხა.