"ეს არის "ქართული ოცნების"  მიერ საარჩევნო კანონმდებლობის თავის ვიწროპარტიულ ინტერესებზე მორგება", - ასე აფასებს საარჩევნო კოდექსში დაგეგმილ ცვლილებებს "ლელოს" დეპუტატი ანა ნაცვლიშვილი.

ნაცვლიშვილის შეფასებით, "ოცნების" დეპუტატების მიერ ინიცირებული ცვლილებები, სადაც თვითმმართველობის არჩევნებისთვის 40-პროცენტიანი ბარიერის მოხსნაზეა საუბარი, ევროკომისიის რეკომენდაციებთან წინააღმდეგობაში მოდის. 

საარჩევნო ცვლილებების ეს ვერსია არ არის 9 ნაბიჯის შესრულება, ეს არის "ქართული ოცნების"  მიერ საარჩევნო კანონმდებლობის თავის ვიწრო პარტიულ ინტერესებზე მორგება, რითიც კიდევ ერთხელ ირღვევა ის წინაპირობები, რომელთა შესრულება /არ შესრულებაზეც იქნება დამოკიდებული წლის ბოლოს ევროკავშირთან გადავალთ თუ არა მოლაპარაკების ეტაპზე,“ - ამბობს ანა ნაცვლიშვილი.

მმართველი პარტია საარჩევნო კოდექსს ცვლის - ცვლილებების თანახმად, უქმდება საკრებულოს მაჟორიტარების ასარჩევი 40-პროცენტიანი ბარიერი.

როგორ ცდილობს "ქართული ოცნება" მაჟორიტარების დანაკლისის შევსებას - ცვლილებები საარჩევნო კოდექსში.