"სანქციებით მუქარას თუ გაუბედავდა ხალხის მიერ არჩეულ დეპუტატებს ვინმე, ამისი წარმოდგენა შესაძლებელი იყო? - რა სანქცია, ჩვენი წინაპრები თავს წირავდნენ ქვეყნის დამოუკიდებლობისთვის", - ამის შესახებ საპარლამენტო უმრავლესობის ლიდერი, მამუკა მდინარაძე სოციალურ ქსელში წერს. მდინარაძე ევროპარლამენტში საქართველოს შესახებ გამართულ დებატებს ეხმაურება, სადაც საუბარი იყო წერტილოვან სანქციებზე.

დეპუტატის თქმით, “ფეიკებით”, კონტექსტის დამახინჯებით, დეზინფორმაციით და ყველა ამორალური გზით ცდილობენ გავლენის მოხდენას, ეს კი შეუძლებელია.

ვინმე თუ წარმოიდგენდა წლების წინ, რომ ადამიანი, რომელიც ორ კანონს, - გამჭვირვალობის და ოჯახური ღირებულებების შესახებ, საპარლამენტო განხილვაზე გამოიტანდა, წარადგენდა, ვინმეს განსაკუთრებული, კოორდინირებული თავდასხმების ობიექტი გახდებოდა?

“ფეიკებით”, კონტექსტის დამახინჯებით, დეზინფორმაციით და ყველა ამორალური გზით ცდილობენ გავლენის მოხდენას, რომელმაც ჩემზე იმოქმედოს, ეს კი შეუძლებელია, მაგრამ დეზინფორმაციის მთელი სისტემა რომ მუშაობს, ხო ფაქტია?!

ან ასეთი კანონების დაინიცირებისთვის, სანქციებით მუქარას თუ გაუბედავდა ხალხის მიერ არჩეულ დეპუტატებს ვინმე, ამისი წარმოდგენა შესაძლებელი იყო?

რა სანქცია, ჩვენი წინაპრები თავს წირავდნენ ქვეყნის დამოუკიდებლობისთვის…

როგორც ჩანს, აქამდეც მივედით და ამით კიდევ უფრო ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, დამოუკიდებლობა, ჭეშმარიტი ევროპული გზა და დემოკრატია, ოჯახური ღირებულებები, ქართული იდენტობა და ტრადიციები, ადამიანის უფლებები და ამაყად გავაგრძელოთ სვლა წინ, სუვერენიტეტის განმტკიცების, დეოკუპაციის, ქვეყნის განვითარების და ევროპული ოჯახის სრულფასოვანი წევრობის გზაზე.

ჩვენთვის მარტივად არაფერი ხდება, მაგრამ მაინც ყოველთვის გამარჯვებულები გამოვალთ, მთავარია მართლები ვიყოთ საკუთარი სამშობლოს და მისი ღირსეული მომავლის წინაშე!

გელოდებით ყველას 29 აპრილს!”, - წერს მდინარაძე.

ევროპარლამენტში დღეს საქართველოს შესახებ დებატები გაიმართა, სადაც საუბარი იყო წერტილოვან სანქციებზე:

• მოვუწოდებ საბჭოს, დააწესოს სანქციები ოლიგარქი ივანიშვილის წინააღმდეგ - ლექსმანი
• უნდა განვიხილოთ წერტილოვანი სანქციები - ოლიგარქის წინააღმდეგ და მოვითხოვოთ სააკაშვილის გათავისუფლება - ფოტიგა
• გალერი: მოვითხოვთ სააკაშვილის გათავისუფლებას და საჭიროა დასანქცირდეს ივანიშვილი, იმიტომ, რომ დგას კულისებში
• ღარიბაშვილისა და ვაჟა სირაძის მიმართ უნდა იყოს გამოყენებული სანქციები - აუსტრევიჩუსი
•  
• კრამონი: ივანიშვილი ცდილობს "რუსკი მირი" დაამყაროს საქართველოში
• თუ საქართველო უცხოელი აგენტების შესახებ კანონს მიიღებს, EU-ში გაწევრიანებას არ უნდა ელოდოს - პაეტი