გერმანიის ბუნდესტაგის დეპუტატმა, კნუტ აბრაჰამმა "ქართული ოცნების" საპატიო თავმჯდომარეს დე ფაქტო მმართველი უწოდა. 

გერმანელმა პოლიტიკოსმა მწვავე განცხადებები "პირველებისთვის" მიცემულ ექსკლუზიურ ინტერვიუში გააკეთა და აღნიშნა, რომ ახლა მაგიდაზე ბიძინა ივანიშვილის დასანქცირების საკითხი დევს. 

დასავლელი პოლიტიკოსი ბუნდესტაგის სხდომამდე რამდენიმე საათით ადრე პირდაპირ ამბობს, რომ საჭიროა, მიზნობრივი სანქციები დაუწესდეს ყველა იმ პირს, რომლებიც საქართველოში დემოკრატიის ძირის გამოთხრაზე არიან პასუხისმგებლები. 

ახლა მიდის მსჯელობა, რა იქნება სწორი პასუხი. მინდა მივმართო საქართველოს მთავრობას, არ უღალატონ მათ განზრახვებს, რაც არის ევროკავშირის წევრობა. რაც შეეხება სანქციების საკითხს, ტარგეტირებული სანქციები უნდა დაუწესდეს იმ ადამიანებს, რომლებმაც ნამდვილად დაარღვიეს ევროპული კანონები. სანქციები უნდა დაწესდეს მათ წინააღმდეგ, ვინც პასუხისმგებელია პოლიტიკური კურსის ცვლილებაზე და ადამიანის უფლებების დარღვევაზე. ბიძინა ივანიშვილი არის ქვეყნის დე ფაქტო მმართველი, თუ იარსებებს კონკრეტული მტკიცებულებები მის წინააღმდეგ, მაშინ მის წინააღმდეგ სანქციების დაწესების შესაძლებლობა უნდა იყოს", - განაცხადა კნუტ აბრაჰამმა.

ასევე ნახეთ: 

• საქართველოში განვითარებულმა პროცესებმა შეგვაშფოთა, ვსვამთ კითხვას: როგორ ჩატარდება არჩევნები?
• ქართველი ხალხი მმართველი პარტიის მიღებული კანონებისა და მათი ნაბიჯების გამო არ უნდა დასაჯოს.

ევროპარლამენტის შემდეგ, საქართველოს შესახებ რეზოლუციის დამტკიცებას გერმანიის ბუნდესტაგი აანონსებს - გერმანიის პარლამენტის წევრები მოითხოვენ ბიძინა ივანიშვილის დასანქცირებას და რაც ყველაზე მნიშვნელოვანია, რეზოლუციის დოკუმენტში ვკითხულობთ, რომ ბუნდესტაგის წევრები დაჟინებით მოითხოვენ საქართველოს ევროინტეგრაციის პროცესის შეჩერებას. 

რეზოლუციას, რომელშიც ბევრი ჩანაწერია "ქართული ოცნების" მიერ მიღებულ რუსულ კანონთან დაკავშირებით, დღეს, 10 ოქტომბერს, 20:00 საათზე განიხილავენ.