"ერთიანობა - ნაციონალური მოძრაობის" ერთ-ერთი ლიდერი, გიორგი ვაშაძე აცხადებს, რომ ევროსაბჭოს გენერალურ მდივანს ოპოზიციურ სპექტრთან შეხვედრის დროს რუსული კანონი და მასში შესატანი ცვლილებები არ განუხილავს. 

გიორგი ვაშაძის თქმით, დღის წესრიგში ორი მთავარი მოთხოვნა დგას - სისხლის სამართლის წესით პასუხისგებაში მიცემული პოლიტპატიმრები გათავისუფლდნენ და ხელახალი არჩევნები დაინიშნოს.

ორადორ საკითხზე შეიძლება იყოს დღეს საქართველოში მსჯელობა. ეს არის პოლიტპატიმრების გათავისუფლება, ხაზს ვუსვამ, სისხლის სამართლის წესით პასუხისგებაში მიცემული ადამიანების უპირობოდ გათავისუფლება. მეორე არის ახალი არჩევნების ჩატარება ახალი წესებით, პირობებით და ნეიტრალური სამართალდამცავი ორგანოებით. სხვა ყველა საკითხი არის დღის წესრიგიდან მოხსნილი. საიდან შემოიტანა ამ ადამიანმა ეს საკითხი, ჩემთვის უცნობია, რადგან ჩვენს შეხვედრაზე ეს არ უხსენებია ამ ადამიანს", - ამბობს გიორგი ვაშაძე.

ცნობისთვის, საქართველოში ოფიციალური ვიზიტით მყოფმა ევროსაბჭოს გენერალურმა მდივანმა, ალენ ბერსემ პრესკონფერენცია გამართა. ალენ ბერსეს გზავნილები პრესკონფერენციიდან:

• "ოცნებისგან" მივიღე დაპირება, რომ რუსული კანონის შინაარს შეცვლიან - ბერსე
• "აქ არ ვარ ჩამოსული არჩევნების ლეგიტიმაციისთვის" - ბერსე
• ბერსე: მივმართე სახელმწიფო უწყებებს, თავი შეეკავებინათ არაპროპორციული ძალის გამოყენებისგან, გაეთავისუფლებინათ ყველა ადმინისტრაციული წესით დაკავებული