გამარჯვებულის მენტალიტეტი დავიბრუნეთ - ეს იყო ქართველი ფეხბურთელის, გიორგი გველესიანი მთავარი სათქმელი საქართველოში დაბრუნების შემდეგ.

"პირველებისთვის" მიცემულ ექსლუზიურ ინტერვიუში ნაკრების ღირსეულმა მცველმა თქვა, რომ აწი საქართველოს საფეხბურთო ნაკრები ყველა გამოწვევას თამამდ მიიღებს და ყველა გამოწვევას გაუმკლავდება.

გველესიანმა ასევე დიდი მადლობა გადაუხადა ქართველ გულშემატკივრებს ასეთი დახვედრისთვის. 

მართლა აღფრთოვანებული ვარ. უდიდესი სიხარულია ჩვენთვის, ყველასთვის, ვართ უაღრესად ბედნიერები და ამაყები. ნამდვილად არ ველოდი, ველოდი, რომ იქნებოდა ძალიან დიდი დახვედრა, დიდი ემოციები, თუმცა ნამდვილად ვერ ვიფიქრებდი, თუ ასეთი მასშტაბის იქნებოდა. ალბათ, დღეს საღამოს, როცა შევიკრიბებით, ყველანი ერთმანეთს ჩავეხუტებით, ვიქნებით ბედნიერები. 

ნებისმიერი გამოწვევა ჩვენთვის აწი მიღებულია. ასე რომ ნებისმიერ გამოწვევას ჩვენ თითქოს გავუმკლავდებით. ეს ჩვენთვის პრობლემას აღარ წარმოადგენს.  ეს გამარჯვებულის მენტალიტეტი დავიბრუნეთ და ამით უაღრესად ვამაყობთ", - ამბობს გველესიანი.

ახლა ჯვაროსნების სრული შემადგენლობა ლოკომიტოვის ბაზაზე იმყოფება, ცოტა ხანში სახლებში წავლენ და საღამოს ქართველ ქომაგებთან შესახვედრად ემზადებიან. ეროვნული გუნდის წევრებთან შეხვედრის ცერემონია თავისუფლების მოედანზე 22:00 საათზე დაიწყება.

საქართველოს საფეხბურთო ნაკრები თბილისში დილის 9:15 საათზე ჩამოფრინდა.

საქართველოს ეროვნულმა ნაკრებმა სადებიუტო ევროპის ჩემპიონატზე ისტორიული შედეგი დააფიქსირა და მერვედფინალში გავიდა. ევროპის საუკეთესო 16 გუნდს შორის ადგილი ჩვენმა გუნდმა ჯგუფურ ეტაპზე წარმატებული ასპარეზობით მოიპოვა. ევრო 2024-ზე თურქეთთან სადებიუტო შეხვედრაში მარცხის შემდეგ, საქართველოს ნაკრებმა ჩეხეთთან შეხვედრა ფრედ დაასრულა, ჯგუფური ეტაპის დასკვნით მატჩში კი ვილი სანიოლის გუნდმა ჩემპიონატის ერთ-ერთი ფავორიტი პორტუგალია დაამარცხა და 1/8-ფინალის თამაშის უფლება მოიპოვა

ასევე ნახეთ:

• გიორგი მამარდაშვილის პირველი ინტერვიუ "პირველებთან" (ვიდეო)
• რას გეგმავს მამარდა? - ექსკლუზიური ინტერვიუ საქართველოს "რკინის გუმბათთან"
• საქართველოს ეროვნული ნაკრები უკვე მიხეილ მესხის სტადიონზეა - "პირველების" ექსკლუზიური კადრები (ვიდეო)