"პირველების" ინფორმაციით, პირველი ვისაც სუს-ის გამომძიებლები გამოკითხავენ, გუბაზ სანიკიძე იქნება - პოლიტიკოსი საქალაქო სასამართლოში დღეს, 18:00 საათზეა დაბარებული. 

გუბაზ სანიკიძემ სუს-ში მისვლაზე უარი განაცხადა, ამიტომ ის მაგისტრი მოსამართლის თანდასწრებით გამოიკითხება. წინასწარი ინფორმაცით, გამომძიებლებს სანიკიძესთან კითხვები საჯაროდ გაკეთებული განცხადებების შესახებ ექნება. 

• დღეს ცნობილი გახდა, რომ მამუკა მდინარაძის უწყებიდან გუბაზ სანიკიძეს, თინა ხიდაშელს და გიორგი კანდელაკს დაურეკეს და გამოკითხვაზე დაბარეს.
• სახელმწიფო უსაფრთხოების სამსახურში ასევე დღეს გაავრცელა ინფორმაცია, რომ საჯაროდ გაკეთებულ განცხადებებზე გამოძიება აქვთ დაწყებული.

გუბაზ სანიკიძის შვილი, ლევან სანიკიძე ამბობს, რომ შესაძლოა, სუს-ში დაბარებების მთავარი არსი ამ ადამიანებსი გაჩუმება იყოს. 

ოცნების მიზნებზე, ზოგადად, ძალიან რთულია საუბარი. "ოცნება" მოქმედებს კლანური და მაფიოზური სისტემის ლოგიკიდან გამომდინარე.  შესაბამისად, ამ დაბარებების მთავარი არსი შეიძლება იყოს ამ ადამიანებსი გაჩუმების მცდელობა და იმ მტკივნეული თემების რაღაცნაირად ნიველირება, რომელიც "ოცნების" ხელისუფლებსი პროპაგანდისთვის საკმაოდ პრობლემური საკითხია", - განაცხადა ლევან სანიკიძემ. 

სუს-ის მიერ გამოძიების დაწყებას წინ უძღოდა წინა დღეებში "ოცნების" ლიდერების განცხადებები. კახა კალაძემ საგამოძიებო უწყებებს მოუწოდა თინა ხიდაშელის, გიორგი კანდელაკის და ეკა გიაურის კვლევებით დაინტერესებულიყო.

• ხიდაშელის და გიგაურის შემდეგ კალაძე საგამოძიებო უწყებებს გიორგი კანდელაკით დაინტერესებისკენ მოუწოდებს
• "შესაბამისი უწყება უნდა დაინტერესდეს"- კალაძე ხიდაშელს და გიგაურს წინააღმდეგ გამოძიების დაწყებას ითხოვს