"გირჩი-მეტი თავისუფლების" ლიდერი, ზურა ჯაფარიძე სუს-ში დაბარებებს დაშინების მცდელობას უწოდებს. ჯაფარიძე ამბობს, რომ ამას მამუკა მდინარაძის უწყება იმიტომ აკეთებს, რომ გამოსაკითხად დაბარებულმა ადამიანებმა - თინა ხიდაშელმა, გუბაზ სანიკიძემ და გიორგი კანდელაკმა სიმართლე არ ილაპარაკონ და არ გაიტანონ ქვეყნის გარეთ.

სუს-ში დაბარება ერთი ამბავია, მაგრამ იგივე რაღაცებზე ჩვენ ბრალი გვაქვს წაყენებული და 15 წლიანი ციხით გვემუქრებიან იმის გამო, რომ უცხოელებს ველაპარაკებოდით. მანდ ახალი არაფერი არ არის. ვფიქრობ, რომ ეს არის დაშინების მცდელობა გუბაზის, თინა ხიდაშელის თუ გიორგი კანდელაკის მიმართ, რომ მათ სიმართლე არ ილაპარაკონ და არ გაიტანონ ქვეყნის გარეთ", - განაცხადა ზურა ჯაფარიძემ. 

დღეს ცნობილი გახდა, რომ მამუკა მდინარაძის უწყებიდან გუბაზ სანიკიძეს, თინა ხიდაშელს და გიორგი კანდელაკს დაურეკეს და გამოკითხვაზე დაბარეს.

• სახელმწიფო უსაფრთხოების სამსახურში ასევე დღეს გაავრცელა ინფორმაცია, რომ საჯაროდ გაკეთებულ განცხადებებზე გამოძიება აქვთ დაწყებული.

სუს-ის მიერ გამოძიების დაწყებას წინ უძღოდა წინა დღეებში "ოცნების" ლიდერების განცხადებები. კახა კალაძემ საგამოძიებო უწყებებს მოუწოდა თინა ხიდაშელის, გიორგი კანდელაკის და ეკა გიაურის კვლევებით დაინტერესებულიყო.

• ხიდაშელის და გიგაურის შემდეგ კალაძე საგამოძიებო უწყებებს გიორგი კანდელაკით დაინტერესებისკენ მოუწოდებს
• "შესაბამისი უწყება უნდა დაინტერესდეს"- კალაძე ხიდაშელს და გიგაურს წინააღმდეგ გამოძიების დაწყებას ითხოვს