ქვეყნის შიგნით მწვავე პროტესტი და ევროპარლამენტში მისაღები რეზოლუცია ივანიშვილს და რუსეთს უკან დახევას აიძულებს - სამადაშვილი
კოალიცია "ძლიერი საქართველოს" ერთ-ერთი ლიდერი, სალომე სამადაშვილი თვლის, რომ ქვეყნის შიგნით პროტესტი და ევროპარლამენტში მისაღები რეზოლუცია "ქართულ ოცნებას" უკან დახევას აიძულებს.
დიპლომატი ევროპარლამენტში საქართველოს შესახებ გაჟღერებული მწვავე გზავნილებს აფასებს და პასუხისმგებლობას "ქართულ ოცნებას" აკისრებს.
დღეს შეჩერებულია საქართველოს ევროკავშირში გაწევრიანების პროცესი და დღის წესრიგში დადგა უკვე არსებული ფორმატების, როგორიც არის, უვიზო მიმოსვლის შეჩერების საკითხი. სამწუხაროდ, ჩვენ კიდევ ერთხელ დავრწმუნდით იმაში, რომ რუსეთის სპეცოპერაცია, რომელიც ჩატარდა არჩევნების სახით, მიმართული იყო სწორედ ქართველი ხალხის ევროპული მომავლის გასაუქმებლად. ვემზადებით ევროკავშირის საგარეო საქმეთა მინისტრების სხდომისთვის მომავალ კვირას, ვემზადებით ევროპარლამენტის რეზოლუციის შესაბამისი ტექსტისთვის, რაც შექმნის იმ ზეწოლას ივანიშვილზე, რომელიც ქვეყნის შიგნით მწვავე პროტესტთან ერთად რუსეთს უკან დახევას აიძულებს", - ამბობს სალომე სამადაშვილი.
ცნობისთვის, გუშინ, 13 ნოემბერს ევროპარლამენტში საქართველოს შესახებ დებატები გაიმართა. ევროპარლამენტარებმა პოლიტიკური ტრიბუნიდან მწვავე გზავნილები გააჟღერეს.
- 26 ოქტომბერს დადასტურდა ბევრი ფაქტი, რომ დაკვირვების დროს იყო ორმაგი ხმის მიცემა - ევროპარლამენტარი
- მაკალისტერი: "ყველა დარღვევა უნდა იყოს გამოძიებული - ქართველ ხალხს ბატონი პუტინის ორბიტის ნაწილად ყოფნა არ უნდა"
- ჩვენ უნდა დავუწესოთ სანქციები ყველას, ვინც პასუხისმგებელია არჩევნების გაყალბებაზე - გრეგოროვა
- ამომრჩევლებს არ ჰქონდათ შესაძლებლობა, თავისუფლად გამოეხატათ თავისი აზრი, დაფიქსირდა ბევრი დარღვევა - ევროპარლამენტარი
- საქართველოში არჩევნების გაყალბების ინსტრუმენტების სრული ნაკრები ვიხილე - ლუაზო
- მოგიწოდებთ, იზოლაციაში მოვაქციოთ "ოცნება", გავყინოთ დახმარებები და შევაჩეროთ უვიზო რეჟიმი - ევროპარლამენტარი
- "ქართულ ოცნებას" არჩევნები არ მოუგია, ჩვენ მას ვერ ვაღიარებთ - რასა იუკნევიჩიენე
- ეს არჩევნები იმ ქვეყნის სტანდარტებს არ შეესაბამება, რომელსაც ევროკავშირის კანდიდატის სტატუსი აქვს - ევროკომისიის ვიცე-პრეზიდენტი
- იუკნევიჩიენე: EU-ს წევრობა მხოლოდ საქართველოს დებიძინიზაციის შემდეგ იქნება შესაძლებელი
ამასთან, ცნობილია, რომ საგარეო ურთიერთობათა საბჭო, რომელიც ევროკავშირის საგარეო საქმეთა მინისტრებისგან შედგება, 18 ნოემბერს საქართველოს შესახებ იმსჯელებს.
