ირაკლი კობახიძე EU-ს ელჩებს ემუქრება - თვითგამოცხადებული მთავრობის მეთაურის გაღიზიანება პაველ ჰერჩინსკის დღევანდელმა განცხადებამ გამოიწვია.

ე.წ. პრემიერი დიპლომატს დეზინფორმაციისა და სიცრუის გავრცელებაში სდებს ბრალს.

იმ ფონზე, რომ ევროკავშირის ელჩი არჩევნების წინ უშუალოდ იყო ჩართული საარჩევნო აგიტაციაში, რადიკალური ოპოზიციის სასარგებლოდ და მმართველი გუნდის წინააღმდეგ, რაც ვენის კონვენციისა და დემოკრატიული საარჩევნო პრინციპების უხეში დარღვევაა, მისი დეზინფორმაციული განცხადება ჩვენთვის ნაკლებად იყო გასაკვირი. პაველ ჰერჩინსკი, რომელიც არჩევნების წინ ამტკიცებდა, რომ ევროკავშირში საქართველოს ინტეგრაციის პროცესი შეჩერებული იყო, ახლა ამტკიცებს, რომ თურმე ეს პროცესი საქართველოს ხელისუფლებამ შეაჩერა. გარკვეული დროის განმავლობაში, ჩვენ თავს ვარიდებდით ამგვარ მოვლენებზე დიპლომატიურ რეაგირებას, თუმცა ყველაფერს აქვს თავისი საზღვარი და თუ ქცევის ცვლილებას არ ვიხილავთ, მომავალში ამგვარ ფაქტებზე, როგორც ევროკავშირის ელჩის, ისე სხვა შესაბამისი ელჩების მიმართ, რეაგირება აუცილებლად გვექნება, საუბარია დიპლომატიურ რეაგირებაზე'', - ამბობს  კობახიძე.

თვითგამოცხადებული მთავრობის მეთაურის მტკიცებით, მმართველ გუნდს შეეძლო, ბრიფინგზე ეთქვა, რომ უარს ამბობს ოთხი წლის განმავლობაში მოლაპარაკებების გახსნაზე, თუმცა ეს არ უთქვამს.

 ჩვენ ვამბობთ მარტივ რამეს, დასრულდეს შანტაჟი ამ ყველაფრით, კეთილი ინებონ, თუ უნდათ მოლაპარაკებების გახსნა, დადონ მაგიდაზე და დღესვე მოვაწერ ხელს. ჩვენ ვამბობთ ერთ რამეს, ჩვენი მხრიდან, მომავალი ოთხი წლის განმავლობაში ეს საკითხი არ დადგება დღის წესრიგში იმისთვის, რომ არავის დავუტოვოთ შანტაჟის ინსტრუმენტი“, - განაცხადა ირაკლი კობახიძემ.

ევროკავშირის ელჩის განცხადებები: 

• დღეს, ყველამ სრულიად ახალ რეალობაში გავიღვიძეთ - ევროკავშირის ელჩის პირველი კომენტარი
• გუშინ ვნახეთ ძალადობა მშვიდობიანი დემონსტრანტების წინააღმდეგ, ეს აბსოლუტურად მიუღებელია - ევროკავშირის ელჩი
• ჰერჩინსკი: იმედი გვქონდა, არჩევნები გახდებოდა ახალი იმპულსი საქართველო-ევროკავშირის ურთიერთობებში, სამწუხაროდ, იყო სერიოზული დარღვევები