საქართველოს მეხუთე პრეზიდენტი მიუნხენის უსაფრთხოების კონფერენციიდან იმ სამართალდამცველების დასანქცირებას მოითხოვს, რომლებიც მშვიდობიანი დემონსტრანტების წინააღმდეგ ცემასა და წამებაში არიან მხილებულები.

• სალომე ზურაბიშვილმა შინაგან საქმეთა სამინისტროს წარმომადგენლების შავ სიაში შეყვანის მოთხოვნა გუშინ, 14 თებერვალს, პანელურ დისკუსიაზე სიტყვით გამოსვლის დროს გააჟღერა. 

მაღალი რანგის ტრიბუნიდან ხალხის მიერ არჩეულმა პრეზიდენტმა განაცხადა, რომ მხოლოდ დიპლომატიური პასპორტის მქონე პირებისთვის უვიზო რეჟიმის შეჩერება საკმარისი არ არის. 

დიდი ხსნის განმავლობაში, როგორც პრეზიდენტი თავს ვიკავებდი სანქციებზე საუბრისგან, ვინაიდან როდესაც სანქციები გაქვს ქვეყანაში, ასვე სანქციები გაქვს ქვეყნის წინააღმდეგ. ეს სანქციები მოსახლეობამ მოითხოვა, ხალხი მოითხოვს. სამწუხაროდ, ევროპული სანქციები დიპლომატიურ სანქციებზე ძალიან მცირე რაღაცაა, ვინაიდან ყველას აქვს მეორე პასპორტი.

პოლიციელები, რომლებიც მოდიან და ყალბ ჩვენებებს იძლევიან, ისინი იდენტიფიცირებულები არიან და მათგან რამდენიმე მაინც რომ დასანქცირდეს, ეს ძლიერი სიგნალი იქნება, რომ ვერ შეძლებ დაუსჯელად რასაც გინდა იმის კეთებას. სანქციები ხალხის ძალიან ძლიერი მოთხოვნაა", - ამბობს სალომე ზურაბიშვილი.

შეგახსენებთ, რომ სალომე ზურაბიშვილი მიუნხენის უსაფრთხოების კონფერენციაზე იმყოფება. ვიზიტის ფარგლებში, ზურაბიშვილმა არაერთი ევროპული ქვეყნის ლიდერთან გამართა აუდიენცია. ხალხის მიერ არჩეულმა პრეზიდენტმა საქართველოს შესახებ პანელურ დისკუსიაშიც მიიღო მონაწილეობა.

რა გზავნილები გააჟღერა მეხუთე პრეზიდენტმა:

• პრეზიდენტი ზურაბიშვილი: ძლიერი სიგნალი იქნება იმ პოლიციელთა დასანქცირება, რომლებიც ცრუ ჩვენებებს იძლევიან
• პრეზიდენტი: როცა მეკითხებიან ხოლმე, "არ ტოვებ პროცესს?" მე ვპასუხობ, რომ არა, რა თქმა უნდა ვრჩები!"
• სალომე ზურაბიშვილი: როგორ უნდა დავამარცხოთ დიქტატურა? - წინააღმდეგობით!
• პრეზიდენტი მიუნხენში: "საქართველო მხოლოდ ის ქვეყანა არაა, სადაც მოსახლეობის 80% მხარს ევროპულ გზას უჭერს, ეს ასევე შავი ზღვაა"
• სალომე ზურაბიშვილი: რუსეთის ჰიბრიდული სტრატეგიაა - რატომ არ ვეცადოთ, რომ მივიღოთ საქართველო სხვა გზით?
• ივანიშვილმა საქართველო ოფშორების ოფშორად აქცია - ზურაბიშვილი