მიუნხენის უსაფრთხოების კონფერენციის ფარგლებში, სალომე ზურაბიშვილის მიერ პანელურ დისკუსიაზე სიტყვით გამოსვლის დროს გაჟღერებულ გზავნილებს "ერთიანობა - ნაციონალური მოძრაობის" ერთ-ერთი ლიდერი, ანა წითლიძე აფასებს.

ოპოზიციონერი პოლიტიკოსი ფიქრობს, რომ საქართველოს მე-5 პრეზიდენტმა მნიშვნელოვანი აქცენტები დასვა, რომ ევროპამ მარიონეტულ ხელისუფლებაზე ზეწოლის ფორმები უნდა გააძლიეროს.

ანა წითლიძე მიუნხენის კონფერენციაზე "ქართული ოცნების" წევრების არ მიწვევასაც ეხმაურება და ამბობს, მოცემული ფაქტი მიანიშნებს იმაზე, რომ ცივილური სამყარო ივანიშვილის ხელისუფლებას ლეგიტიმურად არ ცნობს. 

მნიშვნელოვანი აქცენტები იყო იმასთან დაკავშირებით, რომ ევროპამ უნდა გააძლიეროს თავისი ქმედებები და ზეწოლის ფორმები მარიონეტულ ხელისუფლებაზე. თვითონ ის ფაქტი, რომ მიუნხენის კონფერენციაზე არავინ არ იყო წარმოდგენილი ივანიშვილის პარტიიდან, ნათლად მიუთითებს იმაზე, რომ ჩვენი ევროპელი და ამერიკელი პარტნიორებისთვის ეს ხელისუფლება არ არის ლეგიტიმური. სანქციები უნდა შეეხოს არა მხოლოდ ბიძინა ივანიშვილსა და მაღალ რგოლს, არამედ უნდა შეეხოს იმ შუალედურ რგოლსაც, რომლებიც მონაწილეობენ უშუალოდ დარბევებში", - ამბობს ანა წითლიძე.

შეგახსენებთ, რომ სალომე ზურაბიშვილი მიუნხენის უსაფრთხოების კონფერენციაზე იმყოფება. ვიზიტის ფარგლებში, ზურაბიშვილმა არაერთი ევროპული ქვეყნის ლიდერთან გამართა აუდიენცია. ხალხის მიერ არჩეულმა პრეზიდენტმა საქართველოს შესახებ პანელურ დისკუსიაშიც მიიღო მონაწილეობა.

რა გზავნილები გააჟღერა მეხუთე პრეზიდენტმა:

• პრეზიდენტი ზურაბიშვილი: ძლიერი სიგნალი იქნება იმ პოლიციელთა დასანქცირება, რომლებიც ცრუ ჩვენებებს იძლევიან
• პრეზიდენტი: როცა მეკითხებიან ხოლმე, "არ ტოვებ პროცესს?" მე ვპასუხობ, რომ არა, რა თქმა უნდა ვრჩები!"
• სალომე ზურაბიშვილი: როგორ უნდა დავამარცხოთ დიქტატურა? - წინააღმდეგობით!
• პრეზიდენტი მიუნხენში: "საქართველო მხოლოდ ის ქვეყანა არაა, სადაც მოსახლეობის 80% მხარს ევროპულ გზას უჭერს, ეს ასევე შავი ზღვაა"
• სალომე ზურაბიშვილი: რუსეთის ჰიბრიდული სტრატეგიაა - რატომ არ ვეცადოთ, რომ მივიღოთ საქართველო სხვა გზით?
• ივანიშვილმა საქართველო ოფშორების ოფშორად აქცია - ზურაბიშვილი