"პრეზიდენტმა ზურაბიშვილმა "ოცნების" მიერ იზოლაციაში მოქცეული პოლიტიკური დღის წესრიგი უნდა გაარღვიოს" - ამის შესახებ "სამართლიანობისთვის" ლიდერმა, ეკა ბესელიამ განაცხადა.

მისივე შეფასებით, საქართველოს მე-5 პრეზიდენტის მიუნხენის უსაფრთხოების კონფერენციაზე მონაწილეობა მნიშვნელოვანი ფაქტორია, რათა ქვეყანა საერთაშორისო ასპარეზზე ევროპული ოჯახის მოკავშირედ განიხილებოდეს. 

პრეზიდენტი ზურაბიშვილი დღეს წარმოადგენს საქართველოს, ასე მიიღეს ის, ასე აღირებს მას საერთაშორისო საზოგადოება. ასეთი მანდატი აქვს მას დღეს, რაც, პირველ რიგში, გვაძლევს შესაძლებლობას, რომ იმ იზოლაციის პირობებში, რომელშიც "ქართული ოცნება" არის მოქცეული და რომელშიც მოაქცია მთლიანად ჩვენი პოლიტიკური დღის წესრიგი, სწორედ სალომე ზურაბიშვილმა უნდა გაარღვიოს ეს სივრცე. ახლა, ამ უაღრესად საჭირო მომენტში საქართველო უნდა განიხილებოდეს როგორც ევროპული ოჯახის მოკავშირე", - ამბობს ეკა ბესელია.

შეგახსენებთ, რომ სალომე ზურაბიშვილი მიუნხენის უსაფრთხოების კონფერენციაზე იმყოფება. ვიზიტის ფარგლებში, ზურაბიშვილმა არაერთი ევროპული ქვეყნის ლიდერთან გამართა აუდიენცია. ხალხის მიერ არჩეულმა პრეზიდენტმა საქართველოს შესახებ პანელურ დისკუსიაშიც მიიღო მონაწილეობა.

რა გზავნილები გააჟღერა მეხუთე პრეზიდენტმა:

• პრეზიდენტი ზურაბიშვილი: ძლიერი სიგნალი იქნება იმ პოლიციელთა დასანქცირება, რომლებიც ცრუ ჩვენებებს იძლევიან
• პრეზიდენტი: როცა მეკითხებიან ხოლმე, "არ ტოვებ პროცესს?" მე ვპასუხობ, რომ არა, რა თქმა უნდა ვრჩები!"
• სალომე ზურაბიშვილი: როგორ უნდა დავამარცხოთ დიქტატურა? - წინააღმდეგობით!
• პრეზიდენტი მიუნხენში: "საქართველო მხოლოდ ის ქვეყანა არაა, სადაც მოსახლეობის 80% მხარს ევროპულ გზას უჭერს, ეს ასევე შავი ზღვაა"
• სალომე ზურაბიშვილი: რუსეთის ჰიბრიდული სტრატეგიაა - რატომ არ ვეცადოთ, რომ მივიღოთ საქართველო სხვა გზით?
• ივანიშვილმა საქართველო ოფშორების ოფშორად აქცია - ზურაბიშვილი