საქართველოს მეხუთე პრეზიდენტი მთავარი პოლიტიკური მოვლენების ეპიცენტრშია - გერმანიაში ოფიციალური ვიზიტით მყოფი სალომე ზურაბიშვილი ომში მყოფი უკრაინის პრეზიდენტს შეხვდა.

ვოლოდიმირ ზელენსკისთან შეხვედრა ცოტახნის წინ, მიუნხენის უსაფრთხოების კონფერენციაზე შედგა.

დილიდან ხალხის მიერ არჩეული პრეზიდენტი ევროპელ ლიდერებთან აუდიენციას მართავს. მან შეხვედრა გამართა ევროპის საბჭოს გენერალურ მდივანთანაც იმ მწვავე რეზოლუციის შემდეგ, რომლითაც ევროპის საბჭო ივანიშვილის რეჟიმს აპრილამდე პოლიტპატიმრების გათავისუფლებას და ხელახალი არჩევნების ჩატარებას ავალდებულებს. 

შეგახსენებთ, რომ ხალხის მიერ არჩეულმა პრეზიდენტმა საქართველოს შესახებ პანელურ დისკუსიაშიც მიიღო მონაწილეობა.

რა გზავნილები გააჟღერა მეხუთე პრეზიდენტმა:

• პრეზიდენტი ზურაბიშვილი: ძლიერი სიგნალი იქნება იმ პოლიციელთა დასანქცირება, რომლებიც ცრუ ჩვენებებს იძლევიან
• პრეზიდენტი: როცა მეკითხებიან ხოლმე, "არ ტოვებ პროცესს?" მე ვპასუხობ, რომ არა, რა თქმა უნდა ვრჩები!"
• სალომე ზურაბიშვილი: როგორ უნდა დავამარცხოთ დიქტატურა? - წინააღმდეგობით!
• პრეზიდენტი მიუნხენში: "საქართველო მხოლოდ ის ქვეყანა არაა, სადაც მოსახლეობის 80% მხარს ევროპულ გზას უჭერს, ეს ასევე შავი ზღვაა"
• სალომე ზურაბიშვილი: რუსეთის ჰიბრიდული სტრატეგიაა - რატომ არ ვეცადოთ, რომ მივიღოთ საქართველო სხვა გზით?
• ივანიშვილმა საქართველო ოფშორების ოფშორად აქცია - ზურაბიშვილი