მერვე საათია მაშველები ნანგრევებში 7 ადამიანს, მათ შორის 3 ბავშვს ეძებენ

19.11.26 17:02
მერვე საათია მაშველები ნანგრევებში 7 ადამიანს, მათ შორის 3 ბავშვს ეძებენ

მერვე საათია ქვემო ფონიჭალაში სამძებრო ოპერაცია მიმდინარეობს - ადგილზე მიტანილია სკანერები, მუშაობენ კინოლოგები, მძიმე ტექნიკა და ცოცხალი ძალა. მაშველები ნანგრევებში ეძებენ შვიდ მოქალაქეს, მათ შორის სამ ბავშვს.

მუნიციპალურმა ლაბორატორიამ კი კორპუსის შემოწმება დაასრულა - როგორც კახა კალაძემ მედიასთან განაცხადა, მხოლოდ ორი სადარბაზოა პრობლემური - უშუალოდ ის, რომელიც აფეთქდა და მის გვერდით არსებული სადარბაზო.

თბილისის მერის თქმით, დანარჩენი კორპუსი ვარგისია საცხოვრებლად და შეუძლიათ ცხოვრება გააგრძელონ.

კალაძის განცხადებითვე, თავიდან 90 ოჯახის მოთავსება იგეგმებოდა სასტუმროში, თუმცა ამის აუცილებლობა არ არის და მხოლოდ 28 ოჯახი განთავსდება.

აფეთქება ქვემო ფონიჭალაში ცოტა ხნის წინ მოხდა - “უსინათლოთა დასახლებაში“ ხუთ სართულიანი კორპუსის სადარბაზო ჩამოინგრა. ბოლო ინფორმაციით, ნანგრევებიდან მაშველებმა 4 პირი გამოიყვანეს, მათგან ერთი მოზარდია. ისინი კლინიკებში არიან გადაყვანილები. შს მინისტრის განცხადებით, კლინიკაში გადაყვანილებიდან ერთის მდგომარეობა მძიმეა. 

სულხან თამაზაშვილისვე ცნობით, მიმდინარეობს 7 პირის სამძებრო ოპერაცია, მათ შორის 3 მცირეწლოვანი ბავშვია.

მინისტრის თქმით, აფეთქება კორპუსში გაზის გამათბობელმა გამოიწვია. 

“უსინათლოთა დასახლებაში“ ამ წუთებში მეხანძრე-მაშველები, კინოლოგთა ჯგუფი, ასევე საპატრულო პოლიციის ეკიპაჟები და სასწრაფო სამედიცინო დახმარების ბრიგადები მუშაოებენ .

ასევე ნახეთ: