პროკურატურა გიორგი ბაჩიაშვილის "წითელი ცირკულარით" ძებნას ითხოვს - როგორც, პროკურორმა, მიხეილ სადრაძემ "პირველებთან" განაცხადა, ამის შესახებ შესაბამისმა ორგანომ უკვე მიმართვა უკვე გააკეთა. 

როგორც ჩემთვის ცნობილია, შესაბამისმა დეპარტამენტმა, სტრუქტურულმა ერთეულმა უკვე მიმართა ბაჩიაშვილის მიმართ წითელი ცირკულარით ძებნასთან დაკავშირებით", - განაცხადა მიხეილ სადრაძემ. 

• 4 მარტს, გიორგი ბაჩიაშვილმა Facebook-ზე დაწერა, რომ საქართველო დატოვა.  მოგვიანებით თანაინვესტირების ფონდის" ყოფილმა ხელმძღვანელმა, რომელსაც პასპორტი ჩამორთმეული აქვს, "ტვ პირველის" გადაცემა “რეაქციაში“ ისაუბრა და თქვა, რომ ქვეყნიდან წასასვლელად "სისტემაში არსებული ხვრელები და ადამიანებიც" გამოიყენა.
• ბაჩიაშვილი არ ასახელებს, თუ რომელ ქვეყანაში იმყოფება. 

ბიზნესმენის ქვეყნიდან გაყვანის საქმეზე შსს-მ დღეს ერთი პირი დააკავა. 

"პირველების" ინფორმაციით, შსს ბაჩიაშვილის დახმარების აღმოჩენის ბრალდებით კიდევ 2 მოქალაქისთვის ბრალის წარდგენას ცდილობს.

რეჟიმს გიორგი ბაჩიაშვილის წინააღმდეგ უკვე სამ საქმეზე აქვს დავა - კრიპტოვალუტის, "მტკვარი ჰესის" და საზღვრის კვეთის საქმეზე ბიზნესმენს უკვე აღკვეთი ღონისძიების სახით სამი პატიმრობა აქვს.  

• "მტკვარი ჰესის" საქმეზე მოსამართლემ გიორგი ბაჩიაშვილს პატიმრობა შეუფარდა.
• კრიპტოვალუტის საქმე - სასამართლომ გიორგი ბაჩიაშვილს გირაო პატიმრობით შეუცვალა
• გიორგი ბაჩიაშვილს საზღვრის კვეთის საქმეზე პატიმრობა დაუსწრებლად შეუფარდეს