"შთაბეჭდილება მაქვს, რომ მასონური ლოჟაა ამ ყველაფერში ჩარეული" - ამის შესახებ საზოგადოებრივი მაუწყებლის ბორდის წევრმა, თამილა დოლიძემ სამეურვეო საბჭოს სხდომაზე გააცხადა, სადაც დღეს ვასილ ივანოვ-ჩიქოვანის, ნინო ზაუტაშვილის, კახა მელიქიძისა და გია იმნაიშვილის საქმეების მოკვლევა დაასრულეს.

• „საზოგადოებრივი მაუწყებლის“ სამეურვეო საბჭო კრიტიკულად განწყობილ თანამშრომლებს პროკურატურით ემუქრება

პირველი არხის სამეურვეო საბჭოს თავმჯდომარე, ვასილ მაღლაფერიძემ არხის მიმართ კრიტიკულად განწყობილი თანამშრომლებს ცილისწამებაში დასდო ბრალი, ხოლო ბორდის წევრებს აღნიშნული ბრალდებების პროკურატურისთვის გამოსაძიებლად გადაცემა შესთავაზა.

„მიზანშეწონილი მგონია, რომ პროკურატურამ შეისწავლოს ეს საკითხი, რატომ მოუნდათ ამ ადამიანებს და რატომ არის ეს ამბები ერთმანეთთან გადაბმული. ეს თუ ჩვენ ასე არ გავაკეთეთ, განუწყვეტელი პროვოკაციები იქნება. ეს ასე არ უნდა დარჩეს და სერიოზულად უნდა იქნას გამოძიებული. ეს არის სახელმწიფო რესურსების პირადი, პოლიტიკური და შეიძლება ფინანსური გამოყენება, ვიღაცამ ფული აიღო თუ პოლიტიკური სურვილები გამოხატა, ეს უნდა იქნას გამოძიებული“,- განაცხადა ვასილ მაღლაფერიძემ.

გამოხმაურებები საზმაუს ბორდის წევრების განცხადებებზე: 

• "ოცნების" პარტიული ყრილობის მინი შეკრება იყო - ანდღულაძე საზმაუს სამეურვეო საბჭოს შეხვედრაზე
• "არ გამიკვირდება, ჩემი მოქმედება ისე შეაფასონ, როგორც სამეურვეო საბჭოს წევრებმა" - ჩიქოვანი
• "დაშინების მცდელობაა, მოკვლევა ვასილ მაღლაფერიძის ბრძანებით დაიწყეს" - ნინო ზაუტაშვილი