რუსთაველის გამზირზე აქციის დაშლის ღონისძიების გაშუქებისას „ფორმულას" ჟურნალისტი გურამ როგავა დაშავდა.

გურამ როგავას, სავარაუდოდ, სპეცრაზმელი მაშინ გაუსწორდა, როცა ის პროფესიული მოვალეობას ასრულებდა. 

• ადგილზე გადაღებულ კადრებში ჩანს, რომ ჟურნალისტის დავარდნის შემდეგ, მის სიახლოვეს იმყოფება სპეცრაზმელი, რომელიც გარბის.

"პირველების" მიერ გადაღებული კადრების მიხედვით, ჟურნალისტს თავის არეში აღენიშნება ჭრილობა და სისხლი სდის. 

• გურამ როგავა სასწრაფო დახმარების ბრიგადას "ინგოროყვას" სახელობის კლინიკაში გადაჰყავს. 

ვითარება რუსთაველის გამზირზე რამდენიმე წუთის წინ უკიდურესად დაიძაბა - სპეცრაზმის თანამშრომლებმა მოქალაქეების ძალისმიერი მეთოდებით დაკავება დაიწყეს. 

არსებობს არაერთი მტკიცებულება, რომ საპოლიციო ძალები აქციის მონაწილეებს და ჟურნალისტებს გამეტებით ურტყამენ. 

პოლიცია სასტიკად გაუსწორდა  “ტვ პირველის“ გამოძიებელ ჟურნალისტთა ოფისის ტელეოპერატორ გიორგი შეწირულს - გომალაურის თანამშრომლებმა რეპორტიორი წააქციეს და ფიზიკურად გაუსწორნენ. 

ამ დროსი მონაცემებით, საპროტესტო აქციაზე “ტვ პირველის“ 5 თანამშრომელი - ჟურნალისტები და ოპერატორები დაშვდნენ.

• ოპერატორი, ნიკო კოკაია დღეს ძალადობის მსხვერპლი მეორედ გახდა - მაშინ როცა ჩვენი ოპერატორი პროფესიულ მოვალეობას ასრულებდა მას სპეცრაზმმა ახლო მანძილიდან, სახეში, დამიზნებით წიწაკის სპრეი შესახა. 
• შინაგან საქმეთა სამინისტროს ძალადობრივი ქმედებების შედეგად “ტვ პირველის“ კიდევ ერთი ოპერატორი, დავით ბიჭიკაშვილი დაშავდა. 
• შინაგან საქმეთა სამინისტროს ძალადობრივი ქმედებების შედეგად ასევე დაშავდა ტვ პირველის ჟურნალისტი, ანა მდივანი.
• სპეცრაზმის სამიზნე "ტვ პირველის" რეპორტიორი, ნანუკა ქაჯაია გახდა - შინაგან საქმეთა სამინისტროს დანაყოფებმა ჩვენს კორესპოდენტს დამიზნებით წყლის ჭავლი მაშინ გამოიყენა, როცა ის რუსთაველის გამზირზე ჟურნალისტირ საქმიანობას ეწეოდა და პირდაპირ ეთერში აჩვენებდა მაყირებელს დარბევის ადგილს. 
• პოლიციამ ძალადობით დააკავა და სცემა „პუბლიკის” ჟურნალისტ ალექსანდრე ქეშელაშვილი.
• რუსთაველის გამზირზე, აქციის დარბევის დროს, "მთავარი არხის" ჟურნალისტი, დეა მამისეიშვილი და ოპერატორი, გიორგი გოგინაშვილი დაშავდნენ.

• აქციაზე დაშავდა “ნეტგაზეთის” ჟურნალისტი, გივი ავალიანი. ასევე, OC მედიას ჟურნალისტი, მარიამ ნიკურაძეც.

• აქციის გაშუქებისას დაშავდნენ „ფორმულას” ჟურნალისტი გიორგი კვიჟინაძე და ოპერატორი თედო ქვაჩახია.