საქართველოს ფინანსთა სამინისტროს საგამოძიებო სამსახური ქვეყნის მიმდინარე სპეცოპერაციების თემაზე პირველ განმარტებას აკეთებს.

უწყება ამტკიცებს, რომ საქმე დიდი მასშტაბის ფინანსებთანაა დაკავშირებული. 

„მიღებული ინფორმაციით, „ქოლცენტრების“ საქმიანობა დაკავშირებულია იმავე სახის დანაშაულთან, რა დანაშაულზეც აღნიშნული გამოძიება მიმდინარეობს და საქმე გვაქვს გაცილებით დიდი მასშტაბის ფინანსებთან. ასევე, ობიექტებზე დასაქმებულ პირთა ნაწილი დაკავშირებულია წინა პერიოდებში გამოვლენილ ანალოგიური სახის დანაშაულებრივ „ქოლცენტრებთან“.

ადგილზე მისულმა საგამოძიებო სამსახურის თანამშრომლებმა აღმოაჩინეს გარკვეული ელექტრონული ინფორმაციის შემცველი სხვადასხვა სახის ტექნიკა, მოწყობილობები და დოკუმენტაცია, რაც ამოღებულ იქნა სათანადო წესით.

საზოგადოების ინტერესის გათვალისწინებით, საგამოძიებო სამსახური პერიოდულად მიაწვდის საზოგადოებას ინფორმაციას გამოძიების მიმდინარეობისა და შედეგების შესახებ“, - ნათქვამია განცხადებაში.

ამავე თემაზე ასევე ნახეთ:

• ჩხრეკა თბილისში - გიორგი ნონიაშვილის სახლში ფინანსური პოლიციის თანამშრომლები შევიდნენ
• ჩხრეკა გიორგი ნონიაშვილის სახლში - პოლიტიკოსის მეუღლე ამბობს, რომ სახლიდან კომპიუტერები და ტელეფონები წაიღეს
• ჩხრეკა გიორგი ნონიაშვილის სახლში - პოლიტიკოსის პირველი კომენტარი
• ჩხრეკა ტარდება „ატლანტიკური საბჭოს“ მეორე თანამშრომლის, ეთო ბუზიაშვილის სახლშიც
• ჩხრეკა იყო ასევე ვაკეშიც - Concentrix-ის ოფისში ფინანსური პოლიცია შევიდა
• ფინანსური პოლიცია ჩხრეკას ქუთაისშიც ატარებს
• კომპანია, რომელშიც ფინანსური პოლიცია შევიდა, საქართველოში "აწარმოე საქართველომ" შემოიყვანა - Concentrix-ის ადვოკატის კომენტარი