"ჩაშვების კლასიკურ მაგალითი" - ასე აფასებს ე.წ. საგამოძიებო კომისიის სხდომაზე გიორგი გახარიას მიერ გაკეთებულ განცხადებებს "ერთიანობა - ნაციონალური მოძრაობის" ერთ-ერთი ლიდერი, ლევან ხაბეიშვილი.

ოპოზიციონერი პოლიტიკოსი ყოფილ პრემიერს სხდომაზე გამოცხადების გამო აკრიტიკებს და მას "მენტალურ ქოცს" უწოდებს. ლევან ხაბეიშვილი სხდომის მიმდინარეობისას გაკეთებულ განცხადებებზეც უსვამს ხაზს და აცხადებს, რომ დღეს გიორგი გახარია "დააჩმორეს და საზოგადოებას დაპატარავებული კაცი აჩვენეს". 

დღეს საზოგადოება რასაც უყურებდა, ეს იყო ჩაშვების კლასიკური მაგალითი. "შპიონობის" კლასიკური სახელმძღვანელო იყო, ერთმანეთს როგორ ადანაშაულებდა ორი დამნაშავე პირი. ის პრემიერ-მინისტრი იყო, ის ვიცე-პრემიერი და ერთმანეთს როგორ ჯიჯგნიდნენ. დღეს რაც ჩვენ ვნახეთ, ეს იყო კლასიკური მაგალითი, რას ნიშნავს მენტალური ქოცი. გახარიაც და აქეთ წულუკიანიც. გახარიასთან დაკავშირებით, მე შემეცოდა ის, დააჩმორეს დღეს, დააპატარავეს და დაპატარავებული კაცი გვაჩვენეს", - ამბობს ლევან ხაბეიშვილი.

ცნობისთვის, დღეს, 14 აპრილს, თეა წულუკიანის საგამოძიებო კომისიაზე პარტია "გახარია საქართველოსთვის" ლიდერი, გიორგი გახარია გამოიკითხა.

რა ხდებოდა სხდომის მიმდინარეობისას და რა გზავნილები გააჟღერა ყოფილმა პრემიერმა?

• 20 ივნისის საქმეზე ამ კომისიამ ჩემთან ერთად უნდა გამოკითხოს ბიძინა ივანიშვილი - გიორგი გახარია
• გახარია წულუკიანს: გაგახსენებთ თქვენს სიტყვებს, რომ მელიას დაკავება იქნებოდა შეცდომა, მერე გამოჩნდა "უჩინარი კაცი"
• სკანდალი - გახარია ამბობს, რომ 20 ივნისს მომიტინგეებისთვის ე.წ. დათვის ტყვიები მისი დავალებით არ უსვრიათ
• ხმაური წულუკიანის კომისიაზე: სათამაშოა გომურის ამოთხრილი თვალი?
• ვინ ლობირებდა გავრილოვს - გახარია ასახელებს პირს, ვინც მის მიერ დაბლოკილ დელეგაციას საზღვარი გაუხსნა
• გახარია: მელიას დაკავებას უშუალოდ ივანიშვილი კურირებდა
• გახარია სუბარს: ნუ ბოდავ
• ვინ გასცა რეზინის ტყვიების გამოყენების ბრძანება - გახარია ივანიშვილს გვარს პირველად ასახელებს
• თქვენ შეგეშინდათ ბიძინასი, რომელმაც დაგირეკათ და გითხრათ: "გაჩუმდით, ერთი ადგილი მიაყენეთ და რაც არის გასაკეთებელი გააკეთეთო!" - გახარია ე.წ. კომისიის წევრებს