ე.წ. სიკვდილის ბრიგადების მიერ სისხლიანი ანგარიშსწორების მსხვერპლი, გია ჯაფარიძე "ტვ პირველთან" გუშინ განვითარებულ მოვლენებს იხსენებს - "ჭავჭავაძის ცენტრის" მკვლევარი დეტალურად ყვება, თუ როგორ მოუწყვეს ჩასაფრება მოძალადეთა ჯგუფმა.

გია ჯაფარიძე ამბობს, რომ მასზე თავდასხმა 2-ზე მეტმა ადამიანმა განახორციელა, რომლებიც, სავარაუდოდ, ბეისბოლის ხის ბიტებით იყვნენ შეიარაღებულები.

"როცა დამაგდეს და მირტყამდნენ თან მეკითხებოდნენ, რატომ ეწინააღმდეგები კანონსო" - იხსენებს მკვლევარი და იქვე დასძენს, რომ თავდამსხმელებმა პერიმეტრი უპრობლემოდ, სამართალდამცველების ჩარევის გარეშე დატოვეს.

სახლში დავბრუნდი გვიან და სახლთან მელოდებოდნენ. ზუსტად არ ვიცი, რამდენი იყვნენ, მაგრამ მინიმუმ, ორი იყო. ბეისბოლის ჯოხებივით რაღაც ეკავათ. როცა დამაგდეს არ ვიცი რამდენი მირტყამდა. კანონს რატომ ეწინააღმდეგებიო, ეგეთიც თქვეს", - ამბობს ჯაფარიძე.

შეგახსენებთ, რომ 8 მაისს რუსული კანონის მოწინააღმდეგეებს სასტიკი ანგარიშსწორება მოუწყვეს. თავს ორბელიანების მარშის ერთ-ერთ ორგანიზატორს ლაშა ღვინიანიძეს, ენმ-ის წევრს დიმა ჩიქოვანს, "ჭავჭავაძის ცენტრის" მკვლევარს გია ჯაფარიძესა და პოლიტიკოსს გიორგი ონიანს დაესხნენ.

ცნობისთვის, საქართველოში განვითარებული მოვლენები მსოფლიო ლიდერების განხილვის მთავარი ობიექტია. ევროპარლამენტარები და დიპლომატები ერთიმეორეს მიყოლებით ავრცელებენ განცხადებებს.

• საქართველოში დაშინების აქტებმა ახალ დონეს მიაღწია - კრამონი
• საზიზღარი, ეს არის ივანიშვილის ნამდვილი "ქართული ოცნება" - ლექსმანი სისხლიან ღამეზე
• გადამწყვეტი დროა ივანიშვილის სანქცირებისთვის - ფოტიგა
• მეტი რაა საჭირო, რომ ივანიშვილი ქართული დემოკრატიის დანგრევისთვის დაასანქციროთ - ევროპარლამენტარი
• სიმღერა, რომელიც მსგავსი დანაშაულების დანახვისას მომდის თავში, არის "უკან სსრკ-ში - გალერი თბილისში თავდასხმებზე
• "წარმოუდგენლად შეშფოთებული ვართ არა მხოლოდ კანონმდებლობით, არამედ "ოცნების" ანტიდასავლური რიტორიკითაც" - მილერი
• საქართველოს ინტეგრაცია გაჩერდება და შეიძლება დეგრადირებაც დაიწყოს, თუ მთავრობა გონს არ მოეგება - ნაუსედა
• თუ რუსულ კანონს მიიღებენ, EU იძულებული იქნება საქართველოს კანდიდატობა შეაჩეროს, არჩევანი ივანიშვილმა უნდა გააკეთოს - როიტენი
• ევროპულ ოჯახში გაერთიანების შესაძლებლობა არსებობს სწორედ ახლა, არ გაუშვათ ის ხელიდან - ჰერჩინსკი