საქართველოში განვითარებული პოლიტიკური პროცესები სტრატეგიული პარტნიორების განხილვის მთავარი ობიექტია - ამჯერად ე.წ. სიკვდილის ბრიგადების მიერ რუსული კანონის მოწინააღმდეგეებისთვის სისხლიანი ანგარიშსწორების ღამის მოწყობას ვიოლა ფონ კრამონი ეხმაურება.

ევროპარლამენტარი სოციალურ ქსელ "X"-ზე წერს, რომ მაგინებელი რაზმების მიერ სამოქალაქო საზოგადოების მიმართ დაშინების აქტებმა "სრულიად ახალ დონეს მიაღწია".

საქართველოში მეცნიერების, აქტივისტების და სამოქალაქო საზოგადოების წინააღმდეგ დაშინების ამ აქტებმა სრულიად ახალ დონეს მიაღწია. ისინი არა მხოლოდ ამაზრზენი და არაადამიანურები, არამედ საშიშებიც არიან, რადგან საჯაროდ მოუწოდებენ ინდივიდებზე ძალადობისკენ", - წერს კრამონი.

შეგახსენებთ, რომ 8 მაისს რუსული კანონის მოწინააღმდეგეებს სასტიკი ანგარიშსწორება მოუწყვეს. თავს ორბელიანების მარშის ერთ-ერთ ორგანიზატორს ლაშა ღვინიანიძეს, ენმ-ის წევრს დიმა ჩიქოვანს, "ჭავჭავაძის ცენტრის" მკვლევარს გია ჯაფარიძესა და პოლიტიკოსს გიორგი ონიანს დაესხნენ.

ცნობისთვის, საქართველოში განვითარებული მოვლენები მსოფლიო ლიდერების განხილვის მთავარი ობიექტია. ევროპარლამენტარები და დიპლომატები ერთიმეორეს მიყოლებით ავრცელებენ განცხადებებს.

• საზიზღარი, ეს არის ივანიშვილის ნამდვილი "ქართული ოცნება" - ლექსმანი სისხლიან ღამეზე
• გადამწყვეტი დროა ივანიშვილის სანქცირებისთვის - ფოტიგა
• მეტი რაა საჭირო, რომ ივანიშვილი ქართული დემოკრატიის დანგრევისთვის დაასანქციროთ - ევროპარლამენტარი
• სიმღერა, რომელიც მსგავსი დანაშაულების დანახვისას მომდის თავში, არის "უკან სსრკ-ში - გალერი თბილისში თავდასხმებზე
• "წარმოუდგენლად შეშფოთებული ვართ არა მხოლოდ კანონმდებლობით, არამედ "ოცნების" ანტიდასავლური რიტორიკითაც" - მილერი
• საქართველოს ინტეგრაცია გაჩერდება და შეიძლება დეგრადირებაც დაიწყოს, თუ მთავრობა გონს არ მოეგება - ნაუსედა
• თუ რუსულ კანონს მიიღებენ, EU იძულებული იქნება საქართველოს კანდიდატობა შეაჩეროს, არჩევანი ივანიშვილმა უნდა გააკეთოს - როიტენი
• ევროპულ ოჯახში გაერთიანების შესაძლებლობა არსებობს სწორედ ახლა, არ გაუშვათ ის ხელიდან - ჰერჩინსკი